ಸರ್ಕಾರಿ ಪದವಿಪೂರ್ವ ಕಾಲೇಜುಗಳಿಗೆ ಉಪನ್ಯಾಸಕರಾಗಿ ನೇರ ನೇಮಕಗೊಂಡು ನೆಟ್, ಸ್ಲೆಟ್ ಅಂತಹ ಅರ್ಹತಾ ಪರೀಕ್ಷೆಗಳನ್ನು, ಪಿಎಚ್ಡಿಯಂಥ ಉನ್ನತ ಪದವಿಯನ್ನು ಪಡೆದಿರುವುದರೊಂದಿಗೆ 20–25 ವರ್ಷಗಳು ಒಂದೇ ಹುದ್ದೆಯಲ್ಲಿ ಪಿ.ಯು. ಕಾಲೇಜಿನಲ್ಲಿ ಸೇವೆ ಸಲ್ಲಿಸುತ್ತಿರುವವರು ಇದ್ದಾರೆ.
ಪದವಿ ಕಾಲೇಜಿಗೆ ಬಡ್ತಿ ನೀಡುವ ನಿಯಮವಿಲ್ಲದ ಕಾರಣ ನಿವೃತ್ತಿಯಾಗುವವರೆಗೂ ಅವರು ಪಿ.ಯು. ಉಪನ್ಯಾಸಕರಾಗಿಯೇ ಉಳಿಯಬೇಕಾಗಿದೆ. ಆಂಧ್ರಪ್ರದೇಶ, ತಮಿಳುನಾಡು, ಒಡಿಶಾ ಮುಂತಾದ ರಾಜ್ಯಗಳಲ್ಲಿ ಉನ್ನತ ಶಿಕ್ಷಣ ಪೂರೈಸಿರುವ ಅರ್ಹ ಪಿ.ಯು. ಉಪನ್ಯಾಸಕರಿಗೆ ಸೇವಾ ಹಿರಿತನದ ಮೇರೆಗೆ ಪದವಿ ಕಾಲೇಜಿಗೆ ಬಡ್ತಿ ನೀಡುವ ಅವಕಾಶವಿದೆ.
ನಮ್ಮ ರಾಜ್ಯದಲ್ಲೂ ಈ ನಿಯಮ ಜಾರಿಗೆ ಬರಬೇಕು. ಪದವಿ ಕಾಲೇಜು ಸಹಾಯಕ ಪ್ರಾಧ್ಯಾಪಕರ ಹುದ್ದೆಗೆ ಈಗ ಅರ್ಜಿ ಆಹ್ವಾನಿಸಲಾಗಿದೆ. ಈ ನೇಮಕಾತಿ ಪ್ರಕ್ರಿಯೆ ಮುಗಿಯುವ ಮುನ್ನ ಪಿ.ಯು. ಉಪನ್ಯಾಸಕರಿಗೆ ಬಡ್ತಿ ನೀಡುವ ನಿಯಮಾವಳಿಗಳನ್ನು ಜಾರಿಗೆ ತರಲು ಶಿಕ್ಷಣ ಇಲಾಖೆ ಪ್ರಯತ್ನಿಸಬೇಕು.
– ಎಂ. ರಂಗಸ್ವಾಮಿ, ಗೂಳೆಹರವಿ, ತುಮಕೂರು ತಾಲ್ಲೂಕು