ನಗರದ ಕೇಂದ್ರ ಎಂದೇ ಬಿಂಬಿತವಾಗಿರುವ ಎಂ.ಜಿ ರಸ್ತೆಯ ಹಿಂಭಾಗವಿರುವ ಚರ್ಚ್ ಸ್ಟ್ರೀಟ್ನಲ್ಲಿ ಕಳೆದ ಒಂದು ತಿಂಗಳಿನಿಂದ ಮ್ಯಾನ್ಹೋಲ್ ಬಾಯಿ ತೆರೆದುಕೊಂಡಿದೆ. ರಸ್ತೆ ಹಾಗೂ ಪಾದಚಾರಿ ಮಾರ್ಗ ಎರಡಕ್ಕೂ ಹೊಂದಿಕೊಂಡಿರುವಂತೆ ಇರುವ ಈ ಮ್ಯಾನ್ಹೋಲ್ ಮಳೆ ಬಂದರೆ ನೀರು ತುಂಬಿಕೊಳ್ಳುತ್ತದೆ. ಇದರಿಂದಾಗಿ ಈ ರಸ್ತೆಯಲ್ಲಿ ಸಂಚರಿಸುವ ಸಾರ್ವಜನಿಕರಿಗೆ ಕಷ್ಟವಾಗುತ್ತಿದೆ. ಅದರಲ್ಲೂ ರಾತ್ರಿವೇಳೆ ಸಂಚರಿಸುವವರಿಗೆ ತುಂಬಾ ಕಷ್ಟವಾಗುತ್ತಿದೆ.
ಹಗಲು ಅಥವಾ ರಾತ್ರಿ ಮಕ್ಕಳೇನಾದರೂ ನೋಡದೇ ಕಾಲಿಟ್ಟರೆ ಸೀದಾ ಒಳಗೆ ಹೋಗುತ್ತಾರೆ. ಮಳೆ ಬಂದು ನೀರು ನಿಂತರೆ ಖಂಡಿತ ಅಪಾಯ ತಪ್ಪಿದ್ದಲ್ಲ. ಆದ್ದರಿಂದ ಸಂಬಂಧಪಟ್ಟವರು ಆದಷ್ಟು ಬೇಗ ಇದರ ಬಗ್ಗೆ ಗಮನ ಹರಿಸಿ ಹಾಳಾಗಿ ತೆರೆದುಕೊಂಡಿರುವ ರುವ ಮ್ಯಾನ್ಹೋಲ್ ಅನ್ನು ಆದಷ್ಟು ಬೇಗ ಮುಚ್ಚಬೇಕು ಎಂದು ವಿನಂತಿಸಿಕೊಳ್ಳುತ್ತೇನೆ.