ಅಂಡಾಲ್ (ಪಶ್ಚಿಮ ಬಂಗಾಳ) (ಪಿಟಿಐ): ದೇವಸ್ಥಾನದ ಅರ್ಚಕನೊಬ್ಬ ಒಂಬತ್ತು ವರ್ಷದ ಬಾಲಕಿ ಮೇಲೆ ಅತ್ಯಾಚಾರವೆಸಗಿ ಕೊಲೆ ಮಾಡಿದ ಘಟನೆ ಬುರುದ್ವಾನ್ ಜಿಲ್ಲೆಯಲ್ಲಿ ನಡೆದಿದೆ.
ಎರಡನೇ ತರಗತಿಯ ಬಾಲಕಿ ಹೂವು ಸಂಗ್ರಹಿಸಲು ಶುಕ್ರವಾರ ಸೌಥ್ ಬಜಾರ್ನ ದೇವಾಲಯಕ್ಕೆ ಬಂದಾಗ, ದೇವಾಲಯದ ಅರ್ಚಕ ಬಾಲಕಿಗೆ ಪ್ರಸಾದ ನೀಡುವುದಾಗಿ ಆಮಿಷ ತೋರಿಸಿ ಮಹಡಿ ಮೇಲೆ ಕರೆದೊಯ್ದಿದ್ದಾನೆ.
ನಂತರ ಅತ್ಯಾಚಾರವೆಸಗಿ ಕತ್ತು ಹಿಸುಕಿ ಕೊಲೆ ಮಾಡಿ ಮಹಡಿಯಿಂದ ಕೆಳಗೆ ಎಸೆದಿದ್ದಾನೆ. ಬಾಲಕಿಯನ್ನು ಎಸೆದ ಶಬ್ದ ಕೇಳಿದ ಸ್ಥಳೀಯರು ಅಲ್ಲಿ ನೆರೆದಿದ್ದಾರೆ. ಸ್ಥಳಕ್ಕೆ ಬಂದ ಪೊಲೀಸರು ಶವ ಎತ್ತಲು ಮುಂದಾದಾಗ ವಿರೋಧಿಸಿದ ಗ್ರಾಮಸ್ಥರು, ಆರೋಪಿಗೆ ಶಿಕ್ಷೆ ಆಗಬೇಕು ಎಂದು ಆಗ್ರಹಿಸಿದ್ದಾರೆ.
‘ಅರ್ಚಕನನ್ನು ಬಂಧಿಸಲಾಗಿದೆ. ಅತ್ಯಾಚಾರ ಮಾಡಿದ್ದಾಗಿ ಆತ ಒಪ್ಪಿಕೊಂಡಿದ್ದಾನೆ’ ಎಂದು ಪೊಲೀಸರು ತಿಳಿಸಿದ್ದಾರೆ.