ಬೇಸಿಗೆ ರಜೆಯಲ್ಲಿ ಬಿಸಿಯೂಟದ ಅಗತ್ಯವಿದೆಯೇ ಎಂಬುದು ಪ್ರಶ್ನೆ. ಪರೀಕ್ಷೆ ಮುಗಿದ ಕೂಡಲೆ ಮಕ್ಕಳು ನೆಂಟರ ಮನೆಗಳಿಗೆ ಹೋಗಲು ತುದಿಗಾಲಲ್ಲಿ ನಿಂತಿರುತ್ತಾರೆ. ಇವರು ಮರಳುವುದು ಶಾಲೆ ತೆರೆದ ಮೇಲೆಯೇ.
ಹೀಗಿರುವಾಗ ಎಲ್ಲೋ ಕೆಲವು ಮಕ್ಕಳಿಗೆ ತಂದೆ-ತಾಯಿಗಳು ಊಟ ಹಾಕಲಾರದಷ್ಟು ಬಡವರಾಗಿದ್ದಾರೆಯೇ? ಬೇಸಿಗೆಯ ರಜೆಯಲ್ಲಿ ಬಿಸಿಯೂಟಕ್ಕೆ ಮಕ್ಕಳೇ ಇರುವುದಿಲ್ಲ. ಕೆಲವರಿಗೋಸ್ಕರ ಅಡುಗೆಯವರ ನೇಮಕ, ಶಿಕ್ಷಕರ ನಿಯೋಜನೆ ಮುಂತಾದ ಕಣ್ಣಿಗೆ ಕಾಣದಂತಹ ಲೆಕ್ಕಗಳು ಸರ್ಕಾರಕ್ಕೆ ಹೊರೆಯಾಗುವುದಿಲ್ಲವೇ?