ನವದೆಹಲಿ (ಪಿಟಿಐ): ಮುಂದಿನ ವರ್ಷ ಭಾರತದಲ್ಲಿ ನಡೆಯಲಿರುವ 17 ವರ್ಷದ ಒಳಗಿನವರ ವಿಶ್ವಕಪ್ ಟೂರ್ನಿಗೆ ನಡೆದಿರುವ ಸಿದ್ಧತೆಗಳನ್ನು ವೀಕ್ಷಿಸಲು ಫೆ. 14ರಿಂದ 20ರ ಒಳಗೆ ಫಿಫಾ ತಂಡ ಬರಲಿದೆ.
ಈ ತಂಡ ಆರು ನಗರಗಳಲ್ಲಿ ಕ್ರೀಡಾಂಗಣಗಳ ಸಿದ್ಧತೆಯನ್ನು ಪರಿಶೀಲಿಸಲಿದೆ. ಭಾರತ ವಿಶ್ವಕಪ್ ಟೂರ್ನಿಗೆ ಆತಿಥ್ಯದ ಅವಕಾಶವನ್ನು 2013ರಲ್ಲಿ ಪಡೆದುಕೊಂಡಿತ್ತು. ಟೂರ್ನಿಗೆ ಆತಿಥ್ಯ ವಹಿಸುತ್ತಿರುವುದು ಇದು ಮೊದಲು.
ಫಿಫಾ ತಂಡ ಕೊಚ್ಚಿ (ಫೆ. 15), ಗೋವಾ (16), ಮುಂಬೈ (17), ಕೋಲ್ಕತ್ತ (18), ಗುವಾಹಟಿ (19) ಮತ್ತು ದೆಹಲಿ (20) ಕ್ರೀಡಾಂಗಣಗಳಲ್ಲಿ
ಪರಿಶೀಲನೆ ನಡೆಸಲಿದೆ.