ಮುಂಬೈ (ಪಿಟಿಐ): ಜಾಗತಿಕ ಹರಾಜು ಸಂಸ್ಥೆ ‘ಕ್ರಿಸ್ಟೀ’ ಭಾರತದಲ್ಲಿ 2ನೇ ಭಾರಿ ಆಯೋಜಿಸಿದ್ದ ಕಲಾಕೃತಿಗಳ ಆನ್ಲೈನ್ ಹರಾಜಿನಲ್ಲಿ, ಕಲಾವಿದ ತಯೆಬ್ ಮೆಹ್ತಾ ಅವರ ಕಲಾಕೃತಿ ₨ 17.54 ಕೋಟಿಗೆ ಹರಾಜಾಗಿದೆ. ಈ ಭಾರಿಯ ಹರಾಜಿನಲ್ಲಿ ಒಟ್ಟು ₨ 75.27 ಕೋಟಿ ವಹಿವಾಟು ನಡೆದಿದೆ ಎಂದು ಕ್ರಿಸ್ಟೀ ತಿಳಿಸಿದೆ.
‘ಈ ಭಾರಿಯ ಆನ್ಲೈನ್ ವಹಿವಾಟು ಬಹಳ ಉತ್ತೇಜಕವಾಗಿದ್ದು, ಮುಂದಿನ ವರ್ಷವೂ ಹರಾಜನ್ನು ಆಯೋಜಿಸುವ ಬಗ್ಗೆ ಉತ್ಸುಕರಾಗಿದ್ದೇವೆ’ ಎಂದು ಕ್ರಿಸ್ಟೀ ಮೂಲಗಳು ತಿಳಿಸಿವೆ.
ಹರಾಜಿನಲ್ಲಿ ಒಟ್ಟು 78 ಕಲಾಕೃತಿಗಳು ಮಾರಾಟವಾಗಿವೆ. ಮೆಹ್ತಾ ಅವರ ಹೆಸರಿಡದ ಕಲಾಕೃತಿಯನ್ನು ನ್ಯೂಯಾರ್ಕ್ ಮೂಲದ ವ್ಯಕ್ತಿ ಖರೀದಿಸಿದ್ದಾರೆ.