ಟೋಕಿಯೊ (ಎಎಫ್ಪಿ): ಪಶ್ಚಿಮ ಜಪಾನಿನ ಹಿರೋಶಿಮಾದಲ್ಲಿ ಮಂಗಳವಾರ ರಾತ್ರಿ ಸಂಭವಿಸಿದ ಭಾರಿ ಭೂಕುಸಿತಕ್ಕೆ 32 ಮಂದಿ ಬಲಿಯಾಗಿದ್ದು, 9 ಮಂದಿ ಕಣ್ಮರೆಯಾಗಿದ್ದಾರೆ ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ.
ಇಲ್ಲಿನ ಗುಡ್ಡವೊಂದು 12ಕ್ಕೂ ಹೆಚ್ಚು ಮನೆಗಳ ಮೇಲೆ ಕುಸಿದಿದೆ. ಹಲವು ಮನೆಗಳು ನೆಲಸಮವಾಗಿವೆ. ಗುಡ್ಡ ಕನಿಷ್ಠ 5 ಬಾರಿಯಾದರೂ ಕುಸಿದಿದೆ. ಘಟನೆಯಲ್ಲಿ ಬದುಕುಳಿದವರು ಅವಶೇಷಗಳಲ್ಲಿ ಜೀವಂತವಾಗಿರುವವರಿಗಾಗಿ ಹುಡುಕುತ್ತಿದ್ದ ದೃಶ್ಯಗಳನ್ನು ಇಲ್ಲಿನ ಟಿ.ವಿ. ವಾಹಿನಿ ಪ್ರಸಾರ ಮಾಡಿದೆ.