ಜಮ್ಮು (ಪಿಟಿಐ): ಕಾಶ್ಮೀರದ ದೊಡಾ ಜಿಲ್ಲೆಯ ಪುಲ್ ದೊಡಾ ಪ್ರದೇಶದಲ್ಲಿ ಶನಿವಾರ ಸಂಭವಿಸಿದ ಭೂಕುಸಿತದಲ್ಲಿ ತಂದೆ– ಮಗಳು ಮೃತಪಟ್ಟಿದ್ದಾರೆ.
ಉತ್ತರ ಪ್ರದೇಶ ಮೂಲದ ಕೂಲಿ ಕಾರ್ಮಿಕ ಅಬ್ದುಲ್ ರೆಹಮಾನ್, ಆತನ 3 ವರ್ಷದ ಪುತ್ರಿ ಮೃತರು.
‘ಬೆಳಿಗ್ಗೆ 6ಕ್ಕೆ ಭೂಕುಸಿತವಾಗಿದೆ. ರಕ್ಷಣಾ ಕಾರ್ಯಕರ್ತರು ಮೃತದೇಹ ಗಳನ್ನು ಹೊರತೆಗೆದಿದ್ದಾರೆ. ಇತರೆಡೆ ಸಂಭವಿಸಿದ ಭೂಕುಸಿತದಿಂದಾಗಿ ದೊಡಾ–ಬಾದೆರ್ವಾ ಮತ್ತು ಬಟೊಟೆ–ದೊಡಾ ರಸ್ತೆ ಮಾರ್ಗದಲ್ಲಿ 2 ತಾಸು ಸಂಚಾರ ವ್ಯತ್ಯಯವಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.