ದಕ್ಷಿಣ ದೆಹಲಿಯ ಟ್ಯಾಗೋರ್ ಇಂಟರ್ನ್ಯಾಷನಲ್ ಶಾಲೆಗೆ ಭೇಟಿ ನೀಡಿದ ಚೀನಾದ ಪ್ರಥಮ ಮಹಿಳೆ ಪೆಂಗ್ ಲಿಯುವಾನ್ ಮಕ್ಕಳೊಂದಿಗೆ ಹಾಡು ಗುಣುಗಿದರು.
ಖ್ಯಾತ ಗಾಯಕಿಯೂ ಆಗಿರುವ 51 ವರ್ಷದ ಪೆಂಗ್ 45 ನಿಮಿಷ ಮಕ್ಕಳೊಂದಿಗೆ ಕಳೆದರು.
‘ಭಾರತೀಯ ಮಹಿಳೆಯರು ಎಷ್ಟು ಸುಂದರಿಯರೋ ಅಷ್ಟೇ ಪರಿಶ್ರಮಿಗಳೂ ಹೌದು. ಕೊನೆಯವರೆಗೂ ಕುಟುಂಬವನ್ನು ಒಂದಾಗಿಡಲು ಶ್ರಮಿಸುತ್ತಾರೆ’ ಎಂದು ಪೆಂಗ್ ಭಾರತದ ಮಹಿಳೆಯರನ್ನು ಶ್ಲಾಘಿಸಿದರು.
ಭಾರತ ಮತ್ತು ಚೀನಾ ವಿದ್ಯಾರ್ಥಿಗಳು ಪ್ರದರ್ಶಿಸಿದ ಯೋಗ ಮತ್ತು ಆತ್ಮರಕ್ಷಣಾ ಕಲೆಗಳನ್ನು ಮೆಚ್ಚಿಕೊಂಡರು. ಇದೇ ವೇಳೆ ಚೀನಾದ ಕಥೆಗಳ ಪುಸ್ತಕಗಳನ್ನು ಶಾಲೆಗೆ ಕಾಣಿಕೆಯಾಗಿ ನೀಡಿದರು.