ಮತ್ತೆ ಕದನ ವಿರಾಮ ಉಲ್ಲಂಘಿಸಿದ ಪಾಕ್

‘ರಾಮಗಡ ಹಾಗೂ ಅರ್ನಿಯಾ ವಲಯದ ಅಂತರರಾಷ್ಟ್ರೀಯ ಗಡಿಯಲ್ಲಿರುವ ಗಡಿ ಹೊರ ಚೌಕಿಗಳ ಮೇಲೆ ಪಾಕಿಸ್ತಾನ ಯೋಧರು ನಸುಕಿನ 1 ಗಂಟೆ ಹಾಗೂ 4 ಗಂಟೆಯ ವೇಳೆಗೆ ಚಿಕ್ಕಶಸ್ತ್ರಾಸ್ತ್ರಗಳ ಮೂಲಕ ದಾಳಿ ನಡೆಸಿದ್ದಾರೆ’ ಎಂದು ಗಡಿ ಭದ್ರತಾ ಪಡೆಯ (ಬಿಎಸ್‌ಎಫ್‌) ವಕ್ತಾರೊಬ್ಬರು ಇಲ್ಲಿ ತಿಳಿಸಿದ್ದಾರೆ.

ಅಲ್ಲದೇ, ‘ಘಟನೆಯಲ್ಲಿ ಯಾವುದೇ ಸಾವು ಅಥವಾ ಯಾರಿಗೂ ಗಾಯಗಳಾಗಿಲ್ಲ’ ಎಂದು ಅವರು ಹೇಳಿದ್ದಾರೆ.

ರಾಮಗಡ ಸಾಂಬಾ ಜಿಲ್ಲೆಯಲ್ಲಿದ್ದರೆ ಅರ್ನಿಯಾ ಜಮ್ಮು ಜಿಲ್ಲೆಗೆ ಸೇರಿದೆ. ಬುಧವಾರದಿಂದ ಪಾಕ್‌ ಕಡೆಯಿಂದ ನಡೆದ ಮೂರನೇ ಕದನ ವಿರಾಮ ಇದಾಗಿದೆ.

ಈ ತಿಂಗಳ ಆರಂಭದಿಂದ ಪಾಕ್ ಕಡೆಯಿಂದ ನಡೆದಿರುವ ಕದನ ವಿರಾಮ ಉಲ್ಲಂಘನೆ ಘಟನೆಯಲ್ಲಿ ಭದ್ರತಾ ಪಡೆಯ 13 ಸಿಬ್ಬಂದಿ ಸೇರಿದಂತೆ 95 ಜನರು ಗಾಯಗೊಂಡಿದ್ದಾರೆ.