ನಾಗಪುರ(ಪಿಟಿಐ): ಮಹಾರಾಷ್ಟ್ರದ ಪುಲ್ಗಾಂವ್ನಲ್ಲಿನ ಸೇನಾ ಶಸ್ತ್ರಾಗಾರದಲ್ಲಿ ಮಂಗಳವಾರ ಬೆಳಗಿನಜಾವ ಬೆಂಕಿ ದುರಂತ ಸಂಭವಿಸಿದ್ದು, ಇಬ್ಬರು ಯುವ ಸೇನಾ ಅಧಿಕಾರಿಗಳು ಸೇರಿದಂತೆ 17 ಭದ್ರತಾ ಸಿಬ್ಬಂದಿ ಸಾವಿಗೀಡಾಗಿದ್ದಾರೆ.
ಘಟನೆಯಲ್ಲಿ 17 ರಕ್ಷಣಾ ಭದ್ರತಾ ಪಡೆಯ(ಡಿಎಸ್ಸಿ) ಯೋಧರು ಸಾವಿಗೀಡಾಗಿದ್ದಾರೆ. ಹಲವರು ಗಾಯಗೊಂಡಿದ್ದಾರೆ ಎಂದು ಸೇನಾ ಅಧಿಕಾರಿಗಳು ತಿಳಿಸಿದ್ದಾರೆ.
ಸಂಗ್ರಹಾಗಾರದಲ್ಲಿನ ಒಂದು ಕೊಠಡಿಯಲ್ಲಿನ ಬೆಂಕಿಯನ್ನು ನಂದಿಸಲಾಗಿದ್ದು, ಪರಿಸ್ಥಿತಿ ಹತೋಟಿಯಲ್ಲಿದೆ. ಇತರ ಕೊಠಡಿಗಳಲ್ಲಿ ಮತ್ತೆ ಇಂಥ ಅವಘಡ ಮುಂದುವರಿಯುವ ಸಾಧ್ಯತೆ ಕಡಿಮೆ ಎಂದು ಅವರು ಹೇಳಿದ್ದಾರೆ.
ರಾಷ್ಟ್ರದಲ್ಲಿನ ಬಹುದೊಡ್ಡ ಈ ಶಸ್ತ್ರಾಗಾರ ಪುಲ್ಗಾಂವ್ನಲ್ಲಿದ್ದು, ನಾಗಪುರದಿಂದ 110 ಕಿ.ಮೀ. ದೂರದಲ್ಲಿದೆ.