ಮಹಿಳೆಯರಿಗೆ ಚಳಿ ಹೆಚ್ಚಂತೆ!

ಹೃದಯಾಫಾತ....
ವಿಶೇಷವಾಗಿ ಇಳಿ ವಯಸ್ಸಿನಲ್ಲಿ ಪತಿಯ ಮರಣದಿಂದಾಗುವ ಅಗಲುವಿಕೆಯನ್ನು ತಡೆಯಲಾರದೆ ಕೆಲವು ಮಹಿಳೆಯರು ತಮ್ಮ ಸಂಗಾತಿಯ ಸಾವಿನ ದಿನವೇ ಅಥವಾ ವರ್ಷದೊಳಗೆ ಹೃದಯಾಘಾತಕ್ಕೆ ಈಡಾಗುವುದನ್ನು ನೋಡಿದ್ದೇವೆ. ಲವ್ ಬರ್ಡ್ ಡೆಥ್, ಬ್ರೋಕನ್ ಹಾರ್ಟ್ ಸಿಂಡ್ರೋಮ್, ಅಗಲುವಿಕೆಯ ಹೃದಯಾಘಾತ ಎಂಬ ಹೆಸರಿನ ಇಂಥಹ ಒಂದು ವಿಧದ ಹೃದಯವೇದನೆ ಚಳಿಗಾಲದಲ್ಲಿ ಮಹಿಳೆಯರಿಗೆ ಏಳು ಪಟ್ಟು ಜಾಸ್ತಿ. ಆದಾಗ್ಯೂ ಹೆದರದಿರಿ. ಇಂಥಹ ಅಪಾಯ ಶೇ. ಒಂದು ಮಾತ್ರ.

* ಚಳಿಯಿಂದ ಮನಸ್ಸಿನ ಮೇಲೂ ಹಲವಾರು ಪರಿಣಾಮಗಳಿವೆ. ಇವು 30 ವರ್ಷದೊಳಗೆ ಶೇ. 80 ಮಹಿಳೆಯರಲ್ಲಿ ಸಾಮಾನ್ಯ. ಈ ಬದಲಾವಣೆಗಳಿಗೆ ವಿಂಟರ್ ಬ್ಲೂ, ಎಸ್.ಎ.ಡಿ ಅಥವಾ ಚಳಿಗಾಲದ ಖಿನ್ನತೆ ಎನ್ನುತ್ತೇವೆ. ಹೆಚ್ಚು ನಿದ್ರೆ ಮಾಡಿದರೂ ಲವಲವಿಕೆಯ ಕೊರತೆ, ಹಾಸಿಗೆಯಿಂದ ಎದ್ದೇಳಲು ನಿರಾಸಕ್ತಿ, ರಾತ್ರಿ ಮಧ್ಯೆ ಮಧ್ಯೆ ಎಚ್ಚರ, ಖಿನ್ನತೆ, ಆತಂಕ, ಹತಾಶೆ, ತಪ್ಪು ಮಾಡಿದೆ ಎಂಬ ಭಾವನೆ, ಕುಗ್ಗಿದ ಲೈಂಗಿಕಾಸಕ್ತಿ, ಋತುಸ್ರಾವದ ಒಂದೆರಡು ದಿನ ಮೊದಲು ಹೊಟ್ಟೆನೋವು, ಹೆಚ್ಚಿದ ಕೀಲು ನೋವು- ಇವು ಮುಖ್ಯ ಲಕ್ಷಣಗಳು. ಬಿಸಿಲನ್ನು ನೋಡದಿರುವುದು ಮತ್ತು ಮೆದುಳಿನಲ್ಲಿ ಮೆಲಾಟೊನಿನ್ ಮತ್ತು ಸೆರಾಟೊನಿನ್ ಎಂಬ ರಸಾಯನಿಕಗಳ ಉತ್ಪತ್ತಿಯ ಅಸಮತೋಲನೆ ಈ ಲಕ್ಷಣಗಳಿಗೆ ಕಾರಣ.

ಮುಂಜಾಗ್ರತೆ
ಸಾಧ್ಯವಾದಷ್ಟು ಬಿಸಿಲಿನಲ್ಲಿ ಹೆಚ್ಚು ತಿರುಗಾಡಿರಿ. ಮಧ್ಯಾಹ್ನದ 30 ನಿಮಿಷದ ಪರಿಸರದ ಪ್ರಖರ ಬೆಳಕು ಹೆಚ್ಚು ಸೂಕ್ತ. ತಂಪು ಕನ್ನಡಕ ಬಳಸದಿರಿ. ಇದರಿಂದ ಸೂರ್ಯಕಿರಣ ವೀಕ್ಷಣೆಗೆ ಅಡ್ಡಿಯಾಗುತ್ತದೆ. ತರಕಾರಿ, ಹಣ್ಣು, ದ್ವಿದಳ ಧಾನ್ಯ, ಹಸಿರು ಸೊಪ್ಪು, ಹಾಲು ಮೊಸರು, ಮೀನು ಹೆಚ್ಚು ಸೇವಿಸಿರಿ.

ಸಕ್ಕರೆ ಸಿಹಿ ತಿಂಡಿ ಕಡಿಮೆ ಇರಲಿ. ಆಹಾರ ರುಚಿ ಮತ್ತು ಬಿಸಿಯಾಗಿರಲಿ. ಚಳಿಗಾಲದಲ್ಲಿ ಹೆಚ್ಚು ರಿಲ್ಯಾಕ್ಸ್ ಆಗಿರಿ. ಯಾವುದೇ ಆಕಸ್ಮಿಕ ಅಥವಾ ಬಹಳ ದಿನದ ಒತ್ತಡಕ್ಕೆ ಹೆಚ್ಚು ಭಾವನಾತ್ಮ ಪ್ರತಿಕ್ರಿಯೆ ಬೇಡ. ಕಿವಿಯ ಮೇಲ್ಭಾಗ, ಕೈಕಾಲು ಬೆರಳುಗಳ ತುದಿ, ಮುಂಗೈ, ಮುಂಗಾಲುಗಳು ಕೆಂಪಗಾಗಿ ತುರಿಕೆ, ನೋವು, ಊತ ಕಾಣಿಸಿಕೊಂಡರೆ ವೈದ್ಯರನ್ನು ಸಂಪರ್ಕಿಸಿರಿ. ಏಕೆಂದರೆ ಇವು ಚಳಿಗುಳ್ಳೆಯ (ಚಿಲ್ಲ್ ಬೆನ್ಸ್) ಆರಂಭಿಕ ಲಕ್ಷ್ಷಣಗಳು.