ಗ್ಯಾಂಗ್ಟಕ್ (ಪಿಟಿಐ): ಟಿಬೆಟ್ ಮೂಲಕ ಕೈಲಾಸ ಮಾನಸ ಸರೋವರ ಯಾತ್ರೆ ಕೈಗೊಳ್ಳಲು ಸಿಕ್ಕಿಂ–ಟಿಬೆಟ್ ಗಡಿಯಲ್ಲಿರುವ ನಾಥುಲಾ ಪಾಸ್ ಮುಕ್ತಗೊಳಿಸಲಾಗಿದ್ದು, 2015ರಿಂದ ಈ ಮಾರ್ಗವಾಗಿ ಯಾತ್ರೆ ಕೈಗೊಳ್ಳಬಹುದಾಗಿದೆ.
ನೂತನ ಮಾರ್ಗ ನಾಥುಲಾ ಪಾಸ್ ಮೂಲಕ ಕೈಲಾಸ ಮಾನಸ ಸರೋವರ ಯಾತ್ರೆಗೆ ಅವಕಾಶ ಕಲ್ಪಿಸಲು ಎಲ್ಲಾ ಸಿದ್ಧತೆಗಳು ಭರದಿಂದ ಸಾಗಿದೆ. 2015ರ ಜೂನ್ನಲ್ಲಿ ಈ ಮೂಲಕ ಯಾತ್ರೆಗೆ ಅವಕಾಶ ಕಲ್ಪಿಸಲು ಸಿಕ್ಕಿಂ ಸರ್ಕಾರ ಯೋಜಿಸಿದೆ ಎಂದು ರಾಜ್ಯ ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ.
