ಪ್ರೌಢಶಾಲಾ ಶಿಕ್ಷಕರ ನೇಮಕಾತಿ ಪ್ರವೇಶ ಪರೀಕ್ಷೆಯ ಸಮಾಜ ವಿಜ್ಞಾನ ವಿಷಯದಲ್ಲಿರುವ ಒಂದು ಪ್ರಶ್ನೆ, ‘ಮಹಿಳೆಯರ ಸ್ಥಾನಮಾನವನ್ನು ಪರಿಶೀಲಿಸಿ ಆ ದೇಶದ ವ್ಯವಸ್ಥೆಯನ್ನೇ ತಿಳಿಯಬಹುದು- ಈ ಮಾತನ್ನು ಹೇಳಿದವರು ಯಾರು?’ ಎಂದು ಕೇಳಲಾಗಿದೆ.
ಅದಕ್ಕೆ ಉತ್ತರವಾಗಿ ‘ಮಹಾತ್ಮ ಗಾಂಧೀಜಿ’ ಎಂದು ಪ್ರಕಟಿಸಲಾಗಿದೆ. ಆದರೆ ಡಿ.ಎಸ್.ಇ.ಆರ್.ಟಿ.ಯ 10ನೇ ತರಗತಿಯ ಸಮಾಜ ವಿಜ್ಞಾನ ಪಠ್ಯಪುಸ್ತಕದ ಪುಟ ಸಂಖ್ಯೆ 83ರಲ್ಲಿ ಈ ಮಾತನ್ನು ಜವಾಹರಲಾಲ್ ನೆಹರೂ ಹೇಳಿದ್ದಾರೆ ಎಂಬ ಮಾಹಿತಿ ಇದೆ. ಈ ಕುರಿತು ಇಲಾಖೆಗೆ ಮೇಲ್ಮನವಿ ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ.
ದೂರವಾಣಿ ಕರೆ ಮಾಡಿದರೆ, ‘ನೀವು ಬೇಕಾದರೆ ಕೋರ್ಟ್ಗೆ ಹೋಗಿ’ ಎನ್ನುತ್ತಾರೆ. ಸರ್ಕಾರ ಪ್ರಕಟಿಸಿರುವ ಪುಸ್ತಕದ ಮಾಹಿತಿಯೇ ತಪ್ಪು ಎನ್ನುವುದಾದರೆ, ಯಾವುದನ್ನು ನಂಬುವುದು?