ನವದೆಹಲಿ(ಪಿಟಿಐ): 2008 ರ ಸೆ.13ರಂದು ಇಲ್ಲಿ ನಡೆದಿದ್ದ ಅವಳಿ ಬಾಂಬ್ ಸ್ಫೋಟ ಪ್ರಕರಣದಲ್ಲಿ ಇಂಡಿಯನ್ ಮುಜಾಹಿದ್ದಿನ್್ (ಐಎಂ) ಸಂಘಟನೆ ಸಹ ಸಂಸ್ಥಾಪಕ ಯಾಸೀನ್ ಭಟ್ಕಳ, ರಿಯಾಜ್ ಭಟ್ಕಳ, ಇಕ್ಬಾಲ್ ಭಟ್ಕಳ ಸೇರಿದಂತೆ 29 ಶಂಕಿತ ಐಎಂ ಉಗ್ರರ ವಿರುದ್ಧ ದೆಹಲಿ ಪೊಲೀಸರು ಗುರುವಾರ ಆರೋಪಪಟ್ಟಿ ದಾಖಲಿಸಿದ್ದಾರೆ.
ಈ ಉಗ್ರರು ಭಯೋತ್ಪಾದಕ ದಾಳಿ ನಡೆಸುವ ಮೂಲಕ ದೇಶದ ಮೇಲೆ ಯುದ್ಧ ಸಾರಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.
ದೆಹಲಿ ಪೊಲೀಸರ ವಿಶೇಷ ಘಟಕ ನ್ಯಾಯಾಲಯಕ್ಕೆ ಎರಡು ಪ್ರತ್ಯೇಕ ಆರೋಪಟ್ಟಿಗಳನ್ನು ಸಲ್ಲಿಸಿದೆ.
ಇವುಗಳಲ್ಲಿ ಈ 29 ಆರೋಪಿಗಳು ನಡೆಸಿರುವ ಹಲವಾರು ಶಿಕ್ಷಾರ್ಹ ಅಪರಾಧಗಳ ಬಗ್ಗೆ ವಿವರಿಸಿದ್ದಾರೆ. ಯಾಸೀನ್ ಸೇರಿದಂತೆ ಪ್ರಮುಖ ಐಎಂ ಉಗ್ರರಾದ ಆಮೀರ್ ರಾಜಾ ಖಾನ್, ಅಬು ಅಲಿ ಕೋಮಾ, ಡಾ.ಶಾನವಾಜ್, ಮಿರ್ಜಾ ಶಾದಾಬ್ ಬೇಗ್ ಅವರ ಹೆಸರೂ ಆರೋಪಪಟ್ಟಿಯಲ್ಲಿದೆ.
ಹೆಚ್ಚುವರಿ ಸೆಷನ್ಸ್ ನ್ಯಾಯಾಧೀಶ ದಯಾ ಪ್ರಕಾಶ್ ವಿಚಾರಣೆಯನ್ನು ಏ.19 ಕ್ಕೆ ಮುಂದೂಡಿದ್ದಾರೆ.