ನ್ಯೂಯಾರ್ಕ್(ಪಿಟಿಐ): ಯುಎಸ್ ಓಪನ್ ಟೂರ್ನಿಯಲ್ಲಿ ಶುಕ್ರವಾರ ಭಾರತೀಯ ಟೆನಿಸ್ ತಾರೆಗಳಾದ ಲಿಯಾಂಡರ್ ಪೇಸ್ ಪುರುಷರ ಡಬಲ್ಸ್ ವಿಭಾಗದಲ್ಲಿ ಹಾಗೂ ಸಾನಿಯಾ ಮಿರ್ಜಾ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಸೋಲನುಭವಿಸಿದ್ದಾರೆ.
ಮಿಶ್ರ ಡಬಲ್ಸ್ ನಲ್ಲಿ ಸಾನಿಯಾ ಮಿರ್ಜಾ ಹಾಗೂ ಬ್ರುನೊ ಸೊರಿಸಾ ಜೋಡಿ 3-6, 3-6 ಸೆಟ್ ನಲ್ಲಿ ಚೆಕ್ ಗಣರಾಜ್ಯದ ಆಂಡ್ರೆ ಹವಕೊವಾ ಹಾಗೂ ಲುಕಾಸ್ ಕೊಬೊಟ್ ಜೋಡಿ ವಿರುದ್ಧ ಸೋತರು. ಎರಡು ಜೋಡಿ ಮಧ್ಯೆ 65 ನಿಮಿಷ ಸೆಣಸಾಟ ನಡೆಯಿತು.
ಪುರುಷರ ಡಬಲ್ಸ್ ನಲ್ಲಿ ಲಿಯಾಂಡ್ ಪೇಸ್ ಹಾಗೂ ಫರ್ನಾಂಡೊ ವೆರ್ಡಾಸ್ಕೊ ಜೋಡಿ 5-7, 6-4, 3-6 ಸೆಟ್ ನಲ್ಲಿ ಅಮೆರಿಕದ ಜಾನ್ಸನ್ ಮತ್ತು ಸ್ಯಾಮ್ ಕ್ವೆರ್ರಿ ಜೋಡಿ ವಿರುದ್ಧ ಸೋಲೊಪ್ಪಿಕೊಂಡರು.