ಲಗ್ಗೆರೆಯ ವಾರ್ಡ್‌ ನಂ. 89ರ ಡಾ. ವಿಷ್ಣುವರ್ಧನ್‌ ಮುಖ್ಯ ರಸ್ತೆಯು 300 ಅಡಿಗಳಷ್ಟು ಉದ್ದವಿದ್ದು, ತುಂಬಾ ಕಿರಿದಾಗಿದೆ. ಈ ಮುಖ್ಯ ರಸ್ತೆಯಲ್ಲಿ ಲಘು ಮತ್ತು ಲಾರಿಗಳು ಸಂಚಾರ ಮಾಡಲು ತುಂಬಾ ತೊಂದರೆಯಾಗುತ್ತಿದೆ. ಜತೆಗೆ ಬಿ.ಎಂ.ಟಿ.ಸಿ. ಮಾರ್ಗ 4ರ ಎಲ್ಲ ಬಸ್ಸುಗಳು ನೂತನ ಲಗ್ಗೆರೆಯ ಬಸ್ಸು ನಿಲ್ದಾಣಕ್ಕೆ ಬಂದು ಹೋಗಲು ತೊಂದರೆಯಾಗಿದೆ.
ಸಂಬಂಧಪಟ್ಟ ಈ ಕ್ಷೇತ್ರದ ಶಾಸಕರು, ಮೇಯರ್ ಹಾಗೂ ಈ ವಾರ್ಡಿನ ಪಾಲಿಕೆ ಸದಸ್ಯರು ಇತ್ತ ಗಮನ ಹರಿಸುತ್ತಿಲ್ಲ. ಇನ್ನಾದರೂ ಸಂಬಂಧಪಟ್ಟವರು ಇತ್ತ ಗಮನಹರಿಸಿ ಸೂಕ್ತ ಕ್ರಮ ಕೈಗೊಂಡು, ಈ ಕಿರಿದಾದ ವಿಷ್ಣುವರ್ಧನ್‌ ಮುಖ್ಯ ರಸ್ತೆಯನ್ನು ಅಗಲೀಕರಣಗೊಳಿಸಿ ಬಿ.ಎಂ.ಟಿ.ಸಿ. ಬಸ್ಸುಗಳು ಸುಲಲಿತವಾಗಿ ಬಂದು ಹೋಗುವ ರೀತಿಯಲ್ಲಿ ಕ್ರಮಕೈಗೊಳ್ಳಬೇಕಾಗಿ ಮನವಿ.
