ಅಹಮದಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್– 2015ರ ಭಾನುವಾರದ ಮೊದಲ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ರಾಜಸ್ತಾನ ರಾಯಲ್ಸ್ ಎಂಟು ವಿಕೆಟ್ಗಳ ಜಯ ತನ್ನದಾಗಿಸಿಕೊಂಡಿದೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ಚೆನ್ನೈ ಸೂಪರ್ ಕಿಂಗ್ಸ್ ನಿಗದಿತ ಓವರ್ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 156 ರನ್ ಗಳಿಸಿತ್ತು.
ಬಳಿಕ ಮೈದಾನಕ್ಕಿಳಿದ ರಾಜಸ್ತಾನ ರಾಯಲ್ಸ್ ತಂಡ ಅಜಿಂಕ್ಯ ರಹಾನೆ 76 (55) ಮತ್ತು ಶೇನ್ ವಾಟ್ಸನ್ 73 (47) ರನ್ಗಳೊಂದಿಗೆ ತಂಡವನ್ನು ಜಯದ ಹಾದಿಯಲ್ಲಿ ಮುನ್ನಡೆಸಿದರು.
ವಾಟ್ಸನ್ ಮತ್ತು ಸ್ಟೀವನ್ ಸ್ಮಿತ್ ಅವರ ವಿಕೆಟ್ ನಷ್ಟದೊಂದಿಗೆ 18.2 ಓವರ್ಗಳಲ್ಲಿ 157 ರನ್ ಗಳಿಸಲು ರಾಜಸ್ತಾನ ರಾಯಲ್ಸ್ ತಂಡ ಸಫಲವಾಯಿತು.