ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ರಾಜೀವ್ ಗಾಂಧಿ ಸಂಸ್ಥೆಯಲ್ಲಿ ‘ಫ್ಲೆಕ್ಸಿಬಲ್‌ ಫಿಲಂ ಐಸೊಲೇಟರ್‌’ ಯಂತ್ರ ಸ್ಥಾಪನೆ

Last Updated 28 ಏಪ್ರಿಲ್ 2016, 19:47 IST
ಅಕ್ಷರ ಗಾತ್ರ

ಬೆಂಗಳೂರು: ಎಬೋಲಾ ಸೇರಿದಂತೆ ಮಾರಕ ಕಾಯಿಲೆಗಳಿಗೆ ತುತ್ತಾದ ವ್ಯಕ್ತಿಯ ರಕ್ತದ ಮಾದರಿಗಳನ್ನು ಪರೀಕ್ಷಿಸಲು ರಾಜೀವ್ ಗಾಂಧಿ ಎದೆರೋಗಗಳ ಸಂಸ್ಥೆಯಲ್ಲಿ (ಆರ್‌.ಜಿ.ಐ.ಸಿ.ಡಿ) ‘ಫ್ಲೆಕ್ಸಿಬಲ್‌ ಫಿಲಂ ಐಸೊಲೇಟರ್‌’ ಯಂತ್ರವನ್ನು ಸ್ಥಾಪಿಸಲಾಗಿದೆ.

‘ರೋಗಿಗಳಿಗೆ ಚಿಕಿತ್ಸೆ ನೀಡುವ ವೈದ್ಯರಿಗೇ ವೈರಾಣುಗಳು ಹರಡುವ ಸಾಧ್ಯತೆ ಹೆಚ್ಚಿರುತ್ತದೆ. ರೋಗದ ಮಾದರಿಯನ್ನು ಪರೀಕ್ಷಿಸುವ ವೇಳೆ ಗಾಳಿಯ ಮೂಲಕ ರೋಗ ಹರಡುತ್ತದೆ. ಆದರೆ, ಫ್ಲೆಕ್ಸಿಬಲ್‌ ಫಿಲಂ ಐಸೊಲೇಟರ್‌ನಿಂದ ಸೋಂಕು ಹರಡದಂತೆ ರೋಗದ ಮಾದರಿಗಳನ್ನು ಪರೀಕ್ಷೆ ನಡೆಸಬಹುದು’ ಎಂದು ಸಂಸ್ಥೆಯ ನಿರ್ದೇಶಕ ಡಾ.ಶಶಿಧರ್‌ ಬುಗ್ಗಿ ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಐಸೊಲೇಟರ್‌ನಲ್ಲಿ ಪರೀಕ್ಷೆ ನಡೆಸಲು ಬೇಕಾದ ಉಪಕರಣಗಳನ್ನು ಅಳವಡಿಸಲಾಗಿದೆ. ಅದಕ್ಕೆ ಎರಡು ಗ್ಲೌಸ್‌ಗಳನ್ನು ನೀಡಲಾಗಿದೆ. ರಕ್ತದ ಮಾದರಿಯನ್ನು ಯಂತ್ರದ ಒಳಗಿಟ್ಟು ಗ್ಲೌಸ್‌ಗಳ ಸಹಾಯದಿಂದ ಪರೀಕ್ಷೆ ಮಾಡಬಹುದು. ಇದರಿಂದ ವೈದ್ಯರು, ತಂತ್ರಜ್ಞರಿಗೆ ಸೋಂಕು ಹರಡುವುದಿಲ್ಲ’ ಎಂದರು.

‘ಲಂಡನ್‌ನ ಯುಕೆ ಡಿಪಾರ್ಟ್‌ಮೆಂಟ್‌ ಫಾರ್‌ ಇಂಟರ್‌ನ್ಯಾಷನಲ್‌ ಡೆವಲಪ್‌ಮೆಂಟ್‌ ಥ್ರೂದ ಟ್ರೋಪಿಕಲ್‌ ಹೆಲ್ತ್‌ ಆಂಡ್‌ ಎಜುಕೇಷನ್‌ ಟ್ರಸ್ಟ್  ಈ ಕೇಂದ್ರ ಸ್ಥಾಪನೆಗೆ  ₹ 50 ಲಕ್ಷ ಅನುದಾನ ನೀಡಿದೆ’ ಎಂದು ಮಾಹಿತಿ ನೀಡಿದರು.

ತರಬೇತಿ: ಮಾರಕ ಕಾಯಿಲೆಗಳ ಸೋಂಕು ನಿಯಂತ್ರಣಕ್ಕೆ ಸಂಬಂಧಿಸಿದ ತರಬೇತಿ ಕಾರ್ಯಕ್ರಮಗಳನ್ನು ನಡೆಸಲು ಇಂಗ್ಲೆಂಡ್‌ನ ಆರೋಗ್ಯ ಇಲಾಖೆಯ ಅಂಗ ಸಂಸ್ಥೆಯಾದ ಪಬ್ಲಿಕ್‌ ಹೆಲ್ತ್‌ ಇಂಗ್ಲೆಂಡ್‌ (ಪಿ.ಎಚ್‌.ಇ) ಸಂಸ್ಥೆಯು ಆರ್‌.ಜಿ.ಐ.ಸಿ.ಡಿ.ನೊಂದಿಗೆ ಒಪ್ಪಂದ ಮಾಡಿಕೊಂಡಿತ್ತು. ಪಿ.ಎಚ್‌.ಇ ಸಂಸ್ಥೆಯ ತರಬೇತುದಾರರು ಆರ್‌.ಜಿ.ಐ. ಸಿ.ಡಿ.ನ ಆಂಬುಲೆನ್ಸ್ ಚಾಲಕರು, ಕ್ಲೀನರ್‌ಗಳು, ದಾದಿಯರು, ಪ್ರಯೋಗಾಲಯದ ತಂತ್ರಜ್ಞರು, ವೈದ್ಯರು ಸೇರಿದಂತೆ ಒಟ್ಟು 24 ಸಿಬ್ಬಂದಿಗೆ ತರಬೇತಿ ನೀಡಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT