ಬೆಂಗಳೂರು: ಉತ್ತರ ಕರ್ನಾಟಕ ಮತ್ತು ಹೈದರಾಬಾದ್ ಕರ್ನಾಟಕದಲ್ಲಿ ಸೋಮವಾರ ಮಳೆ ಕ್ಷೀಣಿಸಿತ್ತು. ಕೊಡಗು ಜಿಲ್ಲೆಯಲ್ಲಿ ಸ್ವಲ್ವ ಚುರುಕು-ಗೊಂಡಿತ್ತು. ನಾಲ್ಕೈದು ದಿನಗಳಿಂದ ಎಡೆಬಿಡದೆ ಸುರಿದ ಮಳೆಯಿಂದ ಗದಗ ಜಿಲ್ಲೆಯಲ್ಲಿ 1,600, ಗುಲ್ಬರ್ಗ ಜಿಲ್ಲೆಯಲ್ಲಿ 900, ಯಾದಗಿರಿ ಜಿಲ್ಲೆಯಲ್ಲಿ 820 ಮತ್ತು ಹಾವೇರಿ ಜಿಲ್ಲೆಯಲ್ಲಿ 97 ಸೇರಿ 3,417 ಮನೆಗಳಿಗೆ ಹಾನಿಯಾಗಿದೆ.
ಗದಗ ಜಿಲ್ಲೆಯಲ್ಲಿ ನಾಲ್ಕೈದು ದಿನಗಳಿಂದ ಸುರಿದ ಜಡಿಮಳೆ ಸೋಮವಾರ ಇಳಿಮುಖ-ವಾಗಿದೆ. ವಿವಿಧೆಡೆ ಮನೆಗಳು ಕುಸಿದು ತೊಂದರೆ-ಗೀಡಾದ ಜನರಿಗಾಗಿ ಗದಗ ಜಿಲ್ಲೆಯ ರೋಣ ತಾಲ್ಲೂಕಿನಲ್ಲಿ ಆರು ಗಂಜಿ ಕೇಂದ್ರಗಳನ್ನು ತೆರೆಯಲಾಗಿದ್ದು, ಸೋಮವಾರವೂ ಈ ಕೇಂದ್ರ-ಗಳು ಮುಂದುವರಿದಿವೆ.
ಜಿಲ್ಲಾಧಿಕಾರಿಗಳ ಆದೇಶ ಬರುವವರೆಗೆ ಗಂಜಿ ಕೇಂದ್ರಗಳನ್ನು ಮುಂದುರಿಸಲಾಗುವುದು ಎಂದು ತಹಶೀಲ್ದಾರ್ ಚಂದ್ರಯ್ಯ ತಿಳಿಸಿದ್ದಾರೆ.
ಹಾವೇರಿ ಜಿಲ್ಲೆಯಲ್ಲಿ ನಾಲ್ಕೈದು ದಿನಗಳಿಂದ ಸುರಿದ ಮಳೆಯಿಂದ 97 ಮನೆಗಳಿಗೆ ಭಾಗಶಃ ಹಾನಿಯಾಗಿದೆ. ವರದಾ, ಕುಮುದ್ವತಿ, ತುಂಗ-ಭದ್ರಾ ಹಾಗೂ ಧರ್ಮಾ ತುಂಬಿ ಹರಿಯುತ್ತಿ-ದ್ದು, ಅಪಾಯದ ಮಟ್ಟ ಮೀರಿಲ್ಲ.
ಕೃಷ್ಣಾ ಒಳಹರಿವು ಹೆಚ್ಚಳ: ಬೆಳಗಾವಿ ಜಿಲ್ಲೆ-ಯಲ್ಲಿ ಸೋಮವಾರ ಮಳೆ ಇಳಿಮುಖ-ವಾಗಿ-ದ್ದರೂ ಮಹಾರಾಷ್ಟ್ರದಲ್ಲಿ ಕೃಷ್ಣಾ ನದಿ ಜಲಾ-ನಯನ ಪ್ರದೇಶಗಳಲ್ಲಿನ ಧಾರಾಕಾರ ಮಳೆಯಿಂದಾಗಿ ರಾಜ್ಯಕ್ಕೆ ಹರಿದು ಬರುವ ನೀರಿನ ಪ್ರಮಾಣ ಹೆಚ್ಚತೊಡಗಿದೆ. ಸೋಮವಾರ ಮಹಾರಾಷ್ಟ್ರದ ಕಾಳಮ್ಮ-ವಾಡಿ ಜಲಾಶಯದಿಂದ ದೂಧಗಂಗಾ ನದಿಗೆ 12,008 ಕ್ಯೂಸೆಕ್ ಹಾಗೂ ರಾಜಾಪುರ ಬ್ಯಾರೇಜ್-ನಿಂದ ಕೃಷ್ಣಾ ನದಿಗೆ 50,421-ಕ್ಯೂಸೆಕ್ ನೀರು ಹರಿಸಿರುವುದರಿಂದ ಚಿಕ್ಕೋಡಿ ತಾಲ್ಲೂಕಿನ ಕಲ್ಲೋಳ ಬಳಿ ಕೃಷ್ಣಾ ನದಿಯಲ್ಲಿ 62,429 ಕ್ಯೂಸೆಕ್ ಒಳಹರಿವು ದಾಖಲಾಗಿದೆ.
ಮಹಾರಾಷ್ಟ್ರದ ಮಹಾಬಳೇಶ್ವರದಲ್ಲಿ 122 ಮಿ.ಮೀ., ನವಜಾದಲ್ಲಿ 96 ಮಿ.ಮೀ., ಹಾಗೂ ಕೊಲ್ಹಾಪುರದಲ್ಲಿ 67 ಮಿ.ಮೀ.ಮಳೆ ದಾಖಲಾಗಿದೆ. ಚಿಕ್ಕೋಡಿ ತಾಲ್ಲೂಕಿನ ಕಾರದಗಾ–ಭೋಜ್ ನಡುವಿನ ಸೇತುವೆ ಸೋಮವಾರ ಮುಳುಗಡೆ-ಯಾಗಿದೆ. ತಾಲ್ಲೂಕಿನಲ್ಲಿ ನಾಲ್ಕು ದಿನಗಳಿಂದ ಕಲ್ಲೋಳ– ಯಡೂರ ಮತ್ತು ಜತ್ರಾಟ– ಭೀವಶಿ ಕೆಳಮಟ್ಟದ ಸೇತುವೆಗಳು ಜಲಾವೃತಗೊಂಡಿ-ರುವ ಸ್ಥಿತಿಯಲ್ಲಿಯೇ ಇವೆ.
ಪ್ರವಾಹ ಇಳಿಮುಖ: ಗುಲ್ಬರ್ಗ ಜಿಲ್ಲೆಯ ಕಾಗಿಣಾ ನದಿಯ ನೀರಿನ ಪ್ರವಾಹ ಇಳಿಮುಖ-ವಾಗಿದ್ದು, ಸತತ 15 ಗಂಟೆಗಳ ಕಾಲ ಸ್ಥಗಿತಗೊಂಡಿದ್ದ ಗುಲ್ಬರ್ಗ–ಚಿತ್ತಾಪುರ ಮತ್ತು ಗುಲ್ಬರ್ಗ–ಸೇಡಂ ನಡುವಿನ ರಸ್ತೆ ಸಂಚಾರ ಆರಂಭಗೊಂಡಿದೆ. ಮಳಖೇಡ ಬಳಿಯ ಸಂಗಾವಿ ಸೇತುವೆಗೆ ಭಾನು-ವಾರ ಕಟ್ಟಿಹಾಕಿದ್ದ ವ್ಯಕ್ತಿಯೊಬ್ಬರ ಶವ-ವನ್ನು ಸೋಮವಾರ ನದಿಯಿಂದ ಹೊರತೆಗೆದ ಮಳಖೇಡ ಪೊಲೀಸರು, ಚಿಂಚೋಳಿ ತಾಲ್ಲೂ-ಕಿನ ಸುಲೇಪೇಟ ಪೊಲೀಸರಿಗೆ ಹಸ್ತಾಂತರಿಸಿದರು.
‘ಜಿಲ್ಲೆಯಲ್ಲಿ ಇದುವರೆಗೆ 900 ಮನೆಗಳು ಭಾಗಶಃ ಕುಸಿದಿದ್ದು ₨ 1.30 ಕೋಟಿ ಹಾಗೂ 15,270 ಹೆಕ್ಟೇರ್ ಬೆಳೆ ಹಾನಿಯಿಂದ ₨17.5 ಕೋಟಿ ನಷ್ಟ ಉಂಟಾ-ಗಿದೆ’ ಎಂದು ಜಿಲ್ಲಾ----ಧಿಕಾರಿ ಡಾ.ಎನ್.ವಿ.ಪ್ರಸಾದ್ ತಿಳಿಸಿದ್ದಾರೆ. ಯಾದಗಿರಿ ಜಿಲ್ಲೆಯಲ್ಲಿ ಸೋಮವಾರ ಅಲ್ಪ ಪ್ರಮಾಣದ ಮಳೆಯಾಗಿದೆ. ಒಂದು ವಾರದಿಂದ ಸುರಿದ ಮಳೆಯಿಂದ ಜಿಲ್ಲೆಯ ಸುಮಾರು 820 ಕ್ಕೂ ಹೆಚ್ಚು ಮನೆಗಳಿಗೆ ಹಾನಿಯಾಗಿದೆ.
ವೃದ್ಧೆ ಸಾವು: ಚಿತ್ರದುರ್ಗ ಜಿಲ್ಲೆ ಭರಮಸಾಗರ ಹೋಬಳಿಯ ಕಾಲ್ಗೆರೆ ಗ್ರಾಮದಲ್ಲಿ ಭಾನುವಾರ ರಾತ್ರಿ ಮನೆಯ ಗೋಡೆ ಕುಸಿದು ಲಕ್ಷ್ಮಮ್ಮ (65) ಎಂಬುವವರು ಮೃತಪಟ್ಟಿದ್ದಾರೆ. ಕೆಲವು ದಿನಗಳಿಂದ ಸುರಿಯುತ್ತಿರುವ ಮಳೆಗೆ ತೇವಗೊಂಡಿದ್ದ ಗೋಡೆ ಭಾನುವಾರ ರಾತ್ರಿ ಮಲಗಿದ್ದ ಲಕ್ಷ್ಮಮ್ಮ ಅವರ ಮೇಲೆ ಬಿದ್ದಿದೆ. ಘಟನೆ ನಡೆದ ವೇಳೆ ಲಕ್ಷ್ಮಮ್ಮ ಅವರ ಇಬ್ಬರು ಪುತ್ರರು, ಮೊಮ್ಮಕ್ಕಳು ಗ್ರಾಮದಲ್ಲಿ ನಡೆಯು-ತ್ತಿದ್ದ ಸಾರ್ವಜನಿಕ ಗಣಪತಿ ವಿಸರ್ಜನೆ ಮೆರ-ವಣಿಗೆ ನೋಡಲು ಹೋಗಿದ್ದ ಕಾರಣ ಅಪಾಯ-ದಿಂದ ಪಾರಾಗಿದ್ದಾರೆ.
8 ಮನೆಗೆ ಹಾನಿ: ದಾವಣಗೆರೆ ಜಿಲ್ಲೆಯಲ್ಲಿ ಸತತ ಮಳೆಯಿಂದಾಗಿ ಹರಿಹರ ತಾಲ್ಲೂಕಿನಲ್ಲಿ 5 ಮನೆ, ಹೊನ್ನಾಳಿ ತಾಲ್ಲೂಕಿನಲ್ಲಿ 2 ಮನೆ ಮತ್ತು ಚನ್ನಗಿರಿ ತಾಲ್ಲೂಕಿನಲ್ಲಿ 1 ಸೇರಿ ಒಟ್ಟು 8 ಮನೆಗಳು ಭಾಗಶ: ಹಾನಿಗೊಳಗಾಗಿವೆ. ಮೆಕ್ಕೆಜೋಳ, ಹತ್ತಿ ಗದ್ದೆಗಳಲ್ಲಿ ನೀರು ನಿಂತಿದ್ದು, ಬೆಳೆ ಕೊಳೆಯುವ ಸ್ಥಿತಿ ನಿರ್ಮಾಣ-ವಾಗಿದೆ. ಶಿವಮೊಗ್ಗ ಜಿಲ್ಲೆಯ ಹೊಸನಗರದಲ್ಲಿ ಮಳೆ ನಿರಂತರವಾಗಿ ಸುರಿಯುತ್ತಿದ್ದರೆ, ತೀರ್ಥಹಳ್ಳಿ-ಯಲ್ಲಿ ಸಂಜೆಯ ನಂತರ ಮಳೆ ಕೊಂಚ ಬಿಡುವು ನೀಡಿತ್ತು. ಜಿಲ್ಲೆಯ ಉಳಿದೆಡೆ ಬಿಟ್ಟು ಬಿಟ್ಟು ಮಳೆ ಸುರಿಯುತ್ತಿದೆ.
ಕೊಡಗಿನಲ್ಲಿ ಮಳೆ ಚುರುಕು: ಕೊಡಗು ಜಿಲ್ಲೆಯ ಬ್ರಹ್ಮಗಿರಿ, ಪುಷ್ಪಗಿರಿ ಪರ್ವತ ಶ್ರೇಣಿಯಲ್ಲಿ ನಾಲ್ಕು ದಿನಗಳಿಂದ ಸುರಿಯುತ್ತಿರುವ ಮಳೆ ಸೋಮವಾರವೂ ಮುಂದುವರಿದಿದೆ. ಇದರಿಂದ ಕಾವೇರಿ, ಲಕ್ಷ್ಮಣತೀರ್ಥ, ಬರಪೊಳೆ, ಹಾರಂಗಿ, ಚಿಕ್ಲಿಹೊಳೆಗಳು ಮತ್ತೆ ಮೈದುಂಬಿ ಹರಿಯುತ್ತಿವೆ.
ಭಾಗಮಂಡಲ ಸುತ್ತಮುತ್ತ ಉತ್ತಮವಾಗಿ ಮಳೆಯಾಗುತ್ತಿದೆ. ತ್ರಿವೇಣಿ ಸಂಗಮದಲ್ಲಿ ಕಾವೇರಿ ನದಿಯ ಹರಿವು ಜಾಸ್ತಿಯಾಗಿದೆ. ಮುಂಜಾಗ್ರತಾ ಕ್ರಮವಾಗಿ ದೋಣಿ ವ್ಯವಸ್ಥೆ-ಯನ್ನು ಮುಂದುವರಿಸಲಾಗಿದೆ. ಗೃಹರಕ್ಷಕ ದಳದ ಸಿಬ್ಬಂದಿಯನ್ನು ಸ್ಥಳದಲ್ಲಿ ನಿಯೋಜಿಸ-ಲಾಗಿದೆ.
(ಪೂರಕಮಾಹಿತಿ: ವಿವಿಧ ಬ್ಯೂರೋಗಳಿಂದ)
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.