ಬೆಂಗಳೂರು: ಬುಧವಾರ ಬೆಳಿಗ್ಗೆ 8.30ಕ್ಕೆ ಕೊನೆಗೊಂಡಂತೆ ಕಳೆದ 24 ಗಂಟೆಗಳಲ್ಲಿ ರಾಜ್ಯದ ಕೆಲವು ಭಾಗಗಳಲ್ಲಿ ಮಳೆಯಾಗಿದೆ. ಕೊಡಗು ಜಿಲ್ಲೆಯ ಭಾಗಮಂಡಲದಲ್ಲಿ 8 ಸೆಂ.ಮೀ ಹಾಗೂ ಹಾಸನ ಜಿಲ್ಲೆಯ ದುದ್ದದಲ್ಲಿ 7 ಸೆಂ.ಮೀ ಮಳೆಯಾಗಿದೆ.
ಗುತ್ತಲ 6, ಕದ್ರಾ, ವಿರಾಜಪೇಟೆ 5, ಸುಳ್ಯ, ಬೇಲೂರು 4, ಕಳಸ, ಕಲಘಟಗಿ, ಕೊಟ್ಟೂರು, ಪಿರಿಯಾಪಟ್ಟಣ 3, ಸಿದ್ದಾಪುರ, ರಾಣೆಬೆನ್ನೂರು, ಲಕ್ಷ್ಮೇಶ್ವರ, ಭದ್ರಾವತಿ, ಚಿಕ್ಕಮಗಳೂರು, ಲಕ್ಕವಳ್ಳಿ, ಹೊಸದುರ್ಗ, ಕಿಬ್ಬನಹಳ್ಳಿ 2, ಬನವಾಸಿ, ಮುಂಡಗೋಡ, ನವಲಗುಂದ, ಹಾವೇರಿ, ಸವಣೂರು, ಗದಗ, ಲಿಂಗದಹಳ್ಳಿ, ಕೋಲಾರ, ಶ್ರೀನಿವಾಸಪುರ, ಬಂಗಾರಪೇಟೆ, ನೆಲಮಂಗಲ ಹಾಗೂ ಹೊನ್ನಾಳಿಯಲ್ಲಿ ತಲಾ 1 ಸೆಂ.ಮೀ ಮಳೆಯಾಗಿದೆ.
ಮುನ್ಸೂಚನೆ: ಮುಂದಿನ 48 ಗಂಟೆಗಳಲ್ಲಿ ಕರಾವಳಿ ಹಾಗೂ ದಕ್ಷಿಣ ಒಳನಾಡಿನ ಹಲವೆಡೆ ಹಾಗೂ ಉತ್ತರ ಒಳನಾಡಿನ ಕೆಲವೆಡೆ ಗುಡುಗು ಸಹಿತ ಮಳೆಯಾಗಬಹುದು ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.