ರೈತರ ಆತ್ಮಹತ್ಯೆ: ಬಿಜೆಪಿಯಿಂದ ವರದಿ

* ನೀರಿನ ಕೊರತೆಯಿಂದ ಫಸಲು ಸರಿಯಾಗಿ ಬರದೇ  ಸಾಲದ ಹೊರೆ
* ವಾಣಿಜ್ಯ ಬೆಳೆಗಳನ್ನು (ಹೊಗೆಸೊಪ್ಪು, ಕಬ್ಬು, ಆಲೂಗಡ್ಡೆ, ದಾಳಿಂಬೆ, ರೇಷ್ಮೆ ಇತ್ಯಾದಿ) ನಿರಂತರವಾಗಿ ಬೆಳೆದು ಇಳುವರಿ ಕಡಿಮೆಯಾಗಿ ಉಂಟಾಗಿರುವ ನಷ್ಟ
* ನಕಲಿ ಬೀಜ, ಗೊಬ್ಬರ ಮತ್ತು ನಕಲಿ ಕ್ರಿಮಿನಾಶಕ ಕಂಪೆನಿಗಳ ಹಾವಳಿ
* ರಾಸಾಯನಿಕಗಳ ಬಳಕೆಯಿಂದ ಕೃಷಿ ಇಳುವರಿ ಕಡಿಮೆಯಾಗಿರುವುದು
* ಸಂಕಷ್ಟದಲ್ಲಿರುವ ಸಣ್ಣ ಹಿಡುವಳಿದಾರರು (10 ಎಕರೆಗಿಂತ ಕಡಿಮೆ ಜಮೀನು ಹೊಂದಿರುವವರು) ಅತ್ಯಾಧುನಿಕ ತಂತ್ರಜ್ಞಾನ ಅಳವಡಿಸಿಕೊಳ್ಳಲು ಸಾಧ್ಯವಾಗದೇ ಇರುವುದು ಮತ್ತು ಅವುಗಳ ಬಗ್ಗೆ ಮಾಹಿತಿ ಇಲ್ಲದೇ ಇರುವುದು
* ಅಸಾಂಪ್ರದಾಯಿಕ ಮತ್ತು ಅವೈಜ್ಞಾನಿಕ ಸಾಗುವಳಿ ಪದ್ಧತಿಯ ಅನುಸರಣೆ
* ಸಾಂಪ್ರದಾಯಿಕ ಬೆಳೆಗಳಿಂದ ವಾಣಿಜ್ಯ ಬೆಳೆಗಳತ್ತ ಮುಖ ಮಾಡಿದ್ದರಿಂದ ಹೆಚ್ಚಾದ ಉತ್ಪಾದನಾ ವೆಚ್ಚ
* ದುಬಾರಿ ಬೀಜ, ರಸಗೊಬ್ಬರಗಳು
* ಲಾಭ ತರದ ಬೆಲೆ
* ಖಾಸಗಿ ಲೇವಾದೇವಿಗಾರರಿಂದ ಹೆಚ್ಚಿನ ಬಡ್ಡಿಗೆ ಸಾಲ. ಪಾವತಿಸಲು ಸಾಧ್ಯವಾಗದೇ ಇದ್ದಾಗ ಸಾಲ ನೀಡಿದವರು ಮಾಡುವ ಅಪಮಾನ
* ಅವಿಭಕ್ತ ಕುಟುಂಬಗಳಲ್ಲಿ ಸಮಸ್ಯೆಯ ಹೊಣೆಗಾರಿಕೆ. ವ್ಯವಹಾರ ನಡೆಸುವ ಯಜಮಾನನ ಮೇಲೆ ಒತ್ತಡ
* ಶಿಕ್ಷಣದಲ್ಲಿನ ಬದಲಾವಣೆ. ಮೂಲ ಕಸುಬಿಗೆ ಪರ್ಯಾಯವಾಗಿ ಉದ್ಯೋಗ ಸಿಗದೇ ಇರುವುದು
* ನಾಲ್ಕು ತಿಂಗಳಿನಿಂದ ರಾಜ್ಯದಲ್ಲಿ ಹಾಲು ಸಬ್ಸಿಡಿ ವಿತರಣೆ ಮಾಡದೇ ಇರುವುದು (₨ 229 ಕೋಟಿ ಬಾಕಿ ಇದೆ)
* ಹಾಲು ಉತ್ಪಾದಕ ಸಂಘಗಳು ಹಾಲು ಸಂಗ್ರಹಿಸುವಾಗ ಸೂಕ್ತ ಕೊಬ್ಬಿನಾಂಶ ಇಲ್ಲವೆಂದು ಉತ್ಪಾದಕರಿಗೆ ಸೂಕ್ತ ಬೆಲೆ ನೀಡದೇ ಇರುವುದು
* ವೈಯಕ್ತಿಕ ಕಾರಣಗಳು

ಅಲ್ಪಾವಧಿ ಪರಿಹಾರಗಳು
* ತಕ್ಷಣ ಹಾಲಿನ ಬಾಕಿ ಹಣ, ಸಬ್ಸಿಡಿ ಹಣ ಪಾವತಿಸಿ ಹಾಲಿನ ಬೆಲೆ ಕಡಿತಗೊಳಿಸಿರುವುದನ್ನು ತಡೆಗಟ್ಟುವುದು

* ಬೆಳೆ ಪರಿಹಾರ ಘೋಷಿಸುವುದು
* ಸಾಲ ಮನ್ನಾ ಮತ್ತು ಬಡ್ಡಿ ಮನ್ನಾ
* ಕೊಳವೆಬಾವಿ ಕೊರೆಸಲು ಸಬ್ಸಿಡಿ ನೀಡುವುದು, ವಿಮೆ ನೀತಿ ತರುವುದು
* ಬೆಂಬಲ ಬೆಲೆ ಘೋಷಿಸಿ, ಪ್ರತಿ ತಾಲ್ಲೂಕಿನಲ್ಲಿ ಖರೀದಿ ಕೇಂದ್ರಗಳನ್ನು ಸ್ಥಾಪಿಸುವುದು
* ರೈತರಲ್ಲಿ ವಿಶ್ವಾಸ ಮೂಡಿಸುವ ಯಾತ್ರೆ, ಸಂವಾದ ಕಾರ್ಯಕ್ರಮ ಆಯೋಜಿಸುವುದು

ದೀರ್ಘಾವಧಿ ಪರಿಹಾರಗಳು
* ಸಮಗ್ರ ಸಾಲ ನೀತಿ ರೂಪಿಸುವುದು
* ಎಲ್ಲ ರೈತರಿಗೆ ಬಡ್ಡಿ ರಹಿತ ಸಾಲ ನೀಡುವುದು
* ಬೆಳೆ ನೀತಿ ರೂಪಿಸುವುದು
* ಖಾತರಿ ಬೆಂಬಲ ಬೆಲೆ ಘೋಷಣೆ
* ಕೃಷಿಯಲ್ಲಿ ಯಾಂತ್ರೀಕರಣ,ರೈತರಿಗೆ ಹೆಚ್ಚು ಪ್ರಯೋಜನ ತರುವ ಸಮಗ್ರ ವೆಚ್ಚ ಖಾತರಿ ಬೆಳೆ ವಿಮೆ ಯೋಜನೆ ಜಾರಿ
* ಸಾವಯವ ಸಹಜ ಕೃಷಿಗೆ ಪ್ರೋತ್ಸಾಹ
* ನಿಗದಿತ ಅವಧಿಯಲ್ಲಿ ನೀರಾವರಿ  ಯೋಜನೆಗಳನ್ನು ಪೂರ್ಣಗೊಳಿಸುವುದು
* ಮಾರುಕಟ್ಟೆ ವ್ಯವಸ್ಥೆಯನ್ನು ಇನ್ನಷ್ಟು ಬಲಪಡಿಸುವುದು
* ರೈತ ಮಕ್ಕಳಿಗೆ ಕೌಶಲ್ಯ ತರಬೇತಿ ನೀಡುವುದು
* 20 ಕಿ.ಮೀ ವ್ಯಾಪ್ತಿ ಸರ್ಕಾರಿ–ಖಾಸಗಿ ಸಹಭಾಗಿತ್ವದಲ್ಲಿ ಶೈತ್ಯಾಗಾರ ನಿರ್ಮಾಣ