ನವದೆಹಲಿ: ಎಲ್ಲ ದರ್ಜೆಯ ರೈಲು ಪ್ರಯಾಣ ದರ ಏರಿಕೆಯ ರೈಲ್ವೆ ಮಂಡಳಿಯ ಪ್ರಸ್ತಾಪಕ್ಕೆ ರೈಲ್ವೆ ಸಚಿವ ಮಲ್ಲಿಕಾರ್ಜುನ ಖರ್ಗೆ ತಡೆಯೊಡ್ಡಿದ್ದಾರೆ.
ಮೇ 20ರಿಂದ ಅನ್ವಯವಾಗುವಂತೆ ರೈಲು ಪ್ರಯಾಣ ದರವನ್ನು ಶೇ 14.2ರಷ್ಟು ಏರಿಕೆ ಮಾಡುವುದಾಗಿ ರೈಲ್ವೆ ಮಂಡಳಿ ಘೋಷಿಸಿತ್ತು. ಅದರಲ್ಲಿ, ಇಂಧನ ಹೊಂದಾಣಿಕೆ ಭಾಗವಾಗಿ ಶೇ 4.2ರಷ್ಟು ದರ ಏರಿಕೆ ಮಾಡಬೇಕಿತ್ತು. ಮಂಡಳಿಯು ಸರಕು ಸಾಗಾಣಿಕೆಯಲ್ಲಿಯೂ ಶೇ 6.5ರಷ್ಟು ದರ ಏರಿಕೆ ಮಾಡಿತ್ತು. ಆದರೆ ಸದ್ಯಕ್ಕೆ ದರ ಏರಿಕೆ ಬೇಡ. ಹೊಸ ಸರ್ಕಾರ ಬಂದ ನಂತರವೇ ದರ ಏರಿಕೆ ಮಾಡಿ ಎಂದು ಮಂಡಳಿಗೆ ಖರ್ಗೆ ಅವರು ನೀಡಿದ ನಿರ್ದೇಶನಕ್ಕೆ ಅನುಗುಣವಾಗಿ ರೈಲ್ವೆ ಸಚಿವಾಲಯವು ದರ ಏರಿಕೆಯನ್ನು ತಡೆ ಹಿಡಿದಿದೆ.