ಲೀಟರ್‌ ಹಾಲಿಗೆ ಕೇವಲ ₨ 7!

ಮೈಸೂರು: ಲೀಟರ್‌ ನಂದಿನಿ ಹಾಲನ್ನು ಗ್ರಾಹಕರಿಗೆ ಕನಿಷ್ಠ ₨ 30 ದರದಲ್ಲಿ ಮಾರಾಟ ಮಾಡುವ ಮೈಸೂರು, ಚಾಮರಾಜನಗರ ಜಿಲ್ಲಾ ಸಹಕಾರ ಹಾಲು ಒಕ್ಕೂಟ (ಮೈಮುಲ್‌) ಹೈನುಗಾರರಿಗೆ ₨ 7 ಪಾವತಿಸಿದ ಪ್ರಕರಣ ತಿ.ನರಸೀಪುರ ತಾಲ್ಲೂಕಿನಲ್ಲಿ ಬೆಳಕಿಗೆ ಬಂದಿದೆ. ಅತ್ಯಂತ ಕಡಿಮೆ ದರ ಪಾವತಿಸಿ ರೈತರನ್ನು ವಂಚಿಸಿರುವುದನ್ನು ಪ್ರಶ್ನಿಸಿರುವ ಪಶುಸಂಗೋಪನಾ ಇಲಾಖೆಯ ಕಾರ್ಯದರ್ಶಿ ಹರ್ಷ ಗುಪ್ತ ತಪ್ಪಿತಸ್ಥರ ವಿರುದ್ಧ ಕ್ರಿಮಿನಲ್‌ ಮೊಕದ್ದಮೆ ಹೂಡುಲು ಸೂಚಿಸಿದ್ದಾರೆ.

ತಿ. ನರಸೀಪುರ ತಾಲ್ಲೂಕಿನ ಹೊಸ ಕೆಂಪಯ್ಯನಹುಂಡಿ ಹಾಲು ಉತ್ಪಾದಕರ ಸಹಕಾರ ಸಂಘ ಹೈನುಗಾರರಿಗೆ ಮೂರು ವರ್ಷದಿಂದ ಈ ದರ ನೀಡಿದೆ. ಹಾಲಿನ ಗುಣಮಟ್ಟ ತೀರಾ ಕಳಪೆಯಾಗಿದೆ ಎಂಬ ಕಾರಣ ನೀಡಿ ರೈತರನ್ನು ಮೋಸಗೊಳಿ
ಸಿದ್ದು ವಿವಾದಕ್ಕೆ ಕಾರಣವಾಗಿದೆ. ಕನಿಷ್ಠ ₨ 19 ಪಾವತಿಸಿ ಹಾಲು ಖರೀದಿಸಬೇಕು ಎಂಬ ಕರ್ನಾಟಕ ಹಾಲು ಮಹಾಮಂಡಳದ ಆದೇಶವನ್ನು ‘ಮೈಮುಲ್‌’ ಉಲ್ಲಂಘಿಸಿದೆ. ಇಡೀ ಪ್ರಕರಣಕ್ಕೆ ಗ್ರಾಮದ ಹಾಲು ಉತ್ಪಾದಕರ ಸಂಘವನ್ನು ಹೊಣೆ ಮಾಡಿ ಗ್ರಾಮಸ್ಥರ ಅಸಮಾಧಾನಕ್ಕೂ ಗುರಿಯಾಗಿದೆ.

ಏನಿದು ಪ್ರಕರಣ? ತಿ. ನರಸೀಪುರ ತಾಲ್ಲೂಕಿನ ರಾಯರ ಹುಂಡಿ ಹಾಗೂ ಇಂಡವಾಳು ಗ್ರಾಮದ ರೈತರು ಹಲವು ವರ್ಷಗಳಿಂದ ಹಳೆ ಕೆಂಪಯ್ಯನಹುಂಡಿಗೆ ಹಾಲು ಸರಬರಾಜು ಮಾಡುತ್ತಿದ್ದರು. ಈ ಎರಡೂ ಗ್ರಾಮದ ರೈತರು ಇಲ್ಲಿಗೆ ಹಾಲು ಸರಬರಾಜು ಮಾಡದಂತೆ ‘ಮೈಮುಲ್‌’ ನಿರ್ಬಂಧಿಸಿದ ಪರಿಣಾಮ 2012ರಿಂದ ಹೊಸ ಕೆಂಪಯ್ಯನಹುಂಡಿಯ ಹಾಲು ಉತ್ಪಾದಕರ ಸಂಘಕ್ಕೆ ಹಾಲು ಹಾಕತೊಡಗಿದರು.

ಆದರೆ, ಇಲ್ಲಿ ಸಮಯಕ್ಕೆ ಸರಿಯಾಗಿ ಹಣ ಪಾವತಿ ಆಗುತ್ತಿರಲಿಲ್ಲ. ರೈತರಿಗೆ ನೀಡಿದ ಖರೀದಿ ದರವನ್ನೂ ಪುಸ್ತಕದಲ್ಲಿ ನಮೂದಿಸುತ್ತಿರಲಿಲ್ಲ. ‘ಮೈಮುಲ್‌’ನ ಪಶು ಆಹಾರ ಕೂಡ ಲಭ್ಯವಾಗುತ್ತಿರಲಿಲ್ಲ. ಪ್ರತಿ ಲೀಟರ್‌ ಹಾಲಿಗೆ ಆಗಾಗ ₨ 7 ಪಾವತಿ ಮಾಡುವುದು ಇಲ್ಲಿ ಸಾಮಾನ್ಯವಾಗಿತ್ತು. ಇದನ್ನು ಪ್ರಶ್ನಿಸಿದ ರೈತರನ್ನು ಹಾಲಿನ ಗುಣಮಟ್ಟ ಕಳಪೆಯಾಗಿದೆ ಎಂಬ ಕಾರಣ ನೀಡಿ ಸಾಗ ಹಾಕಲಾಗುತ್ತಿತ್ತು. ಜನವರಿ, ಫೆಬ್ರುವರಿ ತಿಂಗಳಲ್ಲಿ ಸತತವಾಗಿ ಕನಿಷ್ಠ ದರ ಪಾವತಿಸಿರುವು
ದನ್ನು ಪ್ರಶ್ನಿಸಿ ರಾಯರಹುಂಡಿಯ ಪಿ.ಆರ್‌. ಆನಂದ್‌  ಕರ್ನಾಟಕ ಹಾಲು ಮಹಾಮಂಡಳ ಹಾಗೂ ಪಶುಸಂಗೋ
ಪನಾ ಇಲಾಖೆಗೆ ದೂರು ನೀಡಿದ್ದರು.