ಬೆಂಗಳೂರು: ನಗರದ ಹೆಬ್ರಾನ್ ಪ್ರಾಪ ರ್ಟೀಸ್ ಲಿ., ತನ್ನ ಐದನೇ ರಿಯಲ್ ಎಸ್ಟೇಟ್ ಅಭಿವೃದ್ಧಿ ಯೋಜನೆ ‘ಲೇ ಲೆಕ್ಸಸ್ ಸ್ಟೋನ್ ವ್ಯೂ’ಗೆ ಚಾಲನೆ ನೀಡಿದೆ.
ಇಲ್ಲಿ ಗುರುವಾರ ಸುದ್ದಿಗೋಷ್ಠಿ ನಡೆಸಿದ ಹೆಬ್ರಾನ್ ಪ್ರಾಪರ್ಟೀಸ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರೀನಂದ್ ಪ್ರೇಮಚಂದ್ರನ್, ಉತ್ತರ ಬೆಂಗಳೂರಿನ ದೇವನಹಳ್ಳಿ ಪ್ರದೇಶದಲ್ಲಿ ರೂ150 ಕೋಟಿ ವೆಚ್ಚದಲ್ಲಿ ಐಶಾರಾಮಿ ವಸತಿ ಯೋಜನೆ ಆರಂಭಿಸಲಾಗಿದೆ. 20 ಎಕರೆ ವಿಸ್ತಾರದಲ್ಲಿ 30 ವಿಲ್ಲಾಗಳು,172 ವಿಲ್ಲಾ ನಿವೇಶನಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಯೋಜನೆ 2016ರ ಡಿಸೆಂಬರ್ಗೆ ಪೂರ್ಣಗೊಳ್ಳಲಿದೆ ಎಂದರು.
2100 ಚದರಡಿ ವಿಸ್ತಾರದ, ಮೂರು ಕೊಠಡಿಗಳ ವಿಲ್ಲಾಗೆ ರೂ98 ಲಕ್ಷ ಹಾಗೂ 2450 ಚದರಡಿ ವಿಸ್ತಾರ, 4 ಕೊಠಡಿಗಳ ವಿಲ್ಲಾಗೆ ರೂ1.20 ಕೋಟಿ ಬೆಲೆ ನಿಗದಿಪಡಿಸಲಾಗಿದೆ. ನಿವೇಶನಗಳು ಚದರಡಿಗೆ ರೂ2799ರಂತೆ ಲಭ್ಯವಿವೆ. ‘ಎ’ ಖಾತಾ ಮಾಡಿಕೊಡಲಾಗುತ್ತದೆ ಎಂದು ಕಂಪೆನಿಯ ಸಿಎಫ್ಒ ಸೋಮನ್ ನಂಬಿಯಾರ್ ವಿವರಿಸಿದರು.
ಕಂಪೆನಿ ಕೆ.ಆರ್.ಪುರ ಬಡಾವಣೆ ಯಲ್ಲಿ ನಿರ್ಮಿಸಿದ ಐಶಾರಾಮಿ ವಸತಿ ಸಂಕೀರ್ಣ ಹೆಬ್ರಾನ್ ಎನ್ಕ್ಲೇವ್ಗೆ ಕ್ರಿಸಿಲ್ನಿಂದ 5ಸ್ಟಾರ್ ರೇಟಿಂಗ್ ಸಿಕ್ಕಿದೆ ಎಂದರು.