ಚೆನ್ನೈ(ಪಿಟಿಐ): ವಿಕಟನ್‌ ತಮಿಳು ಮುದ್ರಣ ಸಮೂಹದ ಮುಖ್ಯಸ್ಥ ಬಾಲಸುಬ್ರಹ್ಮಣಿಯನ್‌ (79) ಶುಕ್ರವಾರ ಹೃದಯಾಘಾತದಿಂದ ನಿಧನರಾದರು.
ವಿಕಟನ್‌ ಸಮೂಹವು ಅತ್ಯಂತ ಜನಪ್ರಿಯವಾದ ‘ಆನಂದ ವಿಕಟನ್‌’ ನಿಯತಕಾಲಿಕ ಸೇರಿದಂತೆ ಹಲವು ಪ್ರಕಟಣೆಗಳನ್ನು ಹೊರತರುತ್ತಿತ್ತು.
ಹಿರಿಯ ಚಿತ್ರ ನಿರ್ಮಾಪಕ ಹಾಗೂ ಸಿನಿಮಾ ಸ್ಟುಡಿಯೊ ಮಾಲೀಕ ಎಸ್‌.ಎಸ್‌. ವಾಸನ್‌ ಅವರ ಪುತ್ರರಾಗಿರುವ ಬಾಲಸುಬ್ರಹ್ಮಣಿಯನ್‌ ಅವರಿಗೆ ಆರು ಪುತ್ರಿಯರು ಮತ್ತು ಒಬ್ಬ ಪುತ್ರ ಇದ್ದಾರೆ.
ಧೈರ್ಯಶಾಲಿಯಾಗಿದ್ದ ಅವರು, ಎಂ.ಜಿ ರಾಮಚಂದ್ರನ್‌ ಅವರು ಮುಖ್ಯಮಂತ್ರಿಯಾಗಿದ್ದಾಗ ಮುಖಪುಟದಲ್ಲಿ ಪ್ರಕಟವಾಗಿದ್ದ ವ್ಯಂಗ್ಯಚಿತ್ರಕ್ಕೆ ಸಂಬಂಧಿಸಿದಂತೆ ವಿಧಿಸಿದ್ದ ಶಿಕ್ಷೆ ವಿರುದ್ಧ ಕಾನೂನು ಹೋರಾಟ ನಡೆಸಿ ಜಯ ಸಾಧಿಸಿದ್ದರು.
