ಮುಂಬೈ (ಪಿಟಿಐ): ಬಾಲಿವುಡ್‌ ನಟ ಹೃತಿಕ್ ರೋಷನ್‌ ಹಾಗೂ ಅವರ ಪತ್ನಿ ಸುಸಾನೆ ಖಾನ್‌ ಅವರಿಗೆ ಕೊನೆಗೂ ವಿಚ್ಛೇದನ ದೊರೆತಿದೆ. ಹೃತಿಕ್–ಸುಸಾನೆ ಅವರು ಬೇರೆಯಾಗುವುದಾಗಿ ಪ್ರಕಟಿಸಿದ ಸುಮಾರು ಒಂದು ವರ್ಷದ ಬಳಿಕ ಇಲ್ಲಿನ ಸ್ಥಳೀಯ ಕೌಟುಂಬಿಕ ನ್ಯಾಯಾಲಯ ಶನಿವಾರ ವಿಚ್ಛೇದನ ನೀಡಿದೆ.
‘ಇಬ್ಬರಿಗೂ ನ್ಯಾಯಾಲಯ ವಿಚ್ಛೇದನ ನೀಡಿದೆ. ಇದು ಪರಸ್ಪರ ಒಪ್ಪಿಗೆಯ ಮೂಲಕ ಪಡೆದ ವಿಚ್ಛೇದನ’ ಎಂದು ಹೃತಿಕ್ ಪರ ವಕೀಲರಾದ ಮೃಣಾಲಿನಿ ದೇಶಮುಖ್‌ ಅವರು ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.
14 ವರ್ಷಗಳ ಹಿಂದೆ ಮದುವೆಯಾಗಿದ್ದ ಹೃತಿಕ್–ಸುಸಾನೆ ಅವರಿಗೆ ಇಬ್ಬರು ಮಕ್ಕಳು. ಈ ವರ್ಷದ ಏಪ್ರಿಲ್ ತಿಂಗಳಲ್ಲಿ ಇಬ್ಬರು ವಿಚ್ಛೇದನ ಕೋರಿ ಅರ್ಜಿ ಸಲ್ಲಿಸಿದ್ದರು.
2013ರ ಡಿಸೆಂಬರ್‌ 14ರಂದು ಬೇರೆಯಾಗುವುದಾಗಿ ಇಬ್ಬರು ಪ್ರಕಟಿಸಿದ್ದರು.
