ಮುಂಬೈಯಲ್ಲಿ ಕಳೆದ ಒಂದು ಶತಮಾನದಿಂದ ಕಾಲೇಜ್ ಆಫ್ ಫಿಜಿಶಿಯನ್್ಸ ಮತ್ತು ಸರ್ಜನ್್್ಸ ಆಫ್್ ಬಾಂಬೆ (ಮುಂಬಯಿ), ವೈದ್ಯಕೀಯ ಸ್ನಾತಕೋತ್ತರ ಡಿಪ್ಲೊಮಾಗಳನ್ನು ಪ್ರದಾನ ಮಾಡುತ್ತ ಬರುತ್ತಿದೆ.
ಅದು ನೀಡುತ್ತಿದ್ದ ಹದಿನಾರು ಡಿಪ್ಲೊಮಾಗಳಲ್ಲಿ ಮೂರು ಮಾತ್ರ ಮೆಡಿಕಲ್ ಕೌನ್ಸಿಲ್ ಆಫ್ ಇಂಡಿಯಾ (ಎಂಸಿಐ) ಮಾನ್ಯತೆ ಪಡೆದಿದ್ದವು. ಅವುಗಳ ಮಾನ್ಯತೆಯನ್ನು ಕೂಡಾ ಎಂಸಿಐ ಹತ್ತು ವರುಷಗಳ ಹಿಂದೆ ರದ್ದು ಮಾಡಿತು. ಆದರೂ ಮಹಾರಾಷ್ಟ್ರ ಸರ್ಕಾರ ಈ ಡಿಪ್ಲೊಮಾಗಳನ್ನು ಪಡೆದವರು ತನ್ನ ರಾಜ್ಯದಲ್ಲಿ ಪ್ರಾಕ್ಟೀಸ್ ಮಾಡಬಹುದೆಂದು ಅನುಮತಿ ನೀಡಿದ್ದಿತು.
ಈಚೆಗೆ ಮಹಾರಾಷ್ಟ್ರ ಮೆಡಿಕಲ್ ಕೌನ್ಸಿಲ್ ಈ ಸಂಸ್ಥೆ ನೀಡುವ ಯಾವುದೇ ಡಿಪ್ಲೊಮಾಗಳನ್ನು ಮಾನ್ಯಮಾಡಿ ನೋಂದಣಿ ಮಾಡುವುದಿಲ್ಲ ಎಂದು ಆದೇಶ ಹೊರಡಿಸಿದೆ. ಇಂತಹ ಪರಿಸ್ಥಿತಿಯಲ್ಲಿ ಕರ್ನಾಟಕ ರಾಜ್ಯ ಸರ್ಕಾರವು ವೈದ್ಯರಿಗೆ ಜಿಲ್ಲಾ ಆಸ್ಪತ್ರೆಗಳಲ್ಲಿ ತರಬೇತಿ ನೀಡಿ ಈ ಬಗೆಯ ಡಿಪ್ಲೊಮಾಗಳನ್ನು ಪ್ರದಾನ ಮಾಡುವ ಬಗ್ಗೆ ತುಂಬಾ ಆಸಕ್ತಿ ತಳೆದು, ಆ ದಿಶೆಯಲ್ಲಿ ಮುಂದುವರಿಯುತ್ತಿರುವುದು ಎಂತಹ ವಿಪರ್ಯಾಸ!?
–ಡಾ.ಪಿ.ಎಸ್. ಶಂಕರ್, ಗುಲ್ಬರ್ಗ