ಭದೋಹಿ (ಪಿಟಿಐ): ಉತ್ತರ ಪ್ರದೇಶದ ಭದೋಹಿ ಬಳಿಯ ಔರಾಯೇ ಎಂಬಲ್ಲಿ ಮಾನವ ರಹಿತ ರೈಲ್ವೆ ಹಳಿ ಕ್ರಾಸಿಂಗ್‍ನಲ್ಲಿ ಶಾಲಾ ವ್ಯಾನ್‍ಗೆ ರೈಲು ಡಿಕ್ಕಿ ಹೊಡೆದ ಪರಿಣಾಮ 8 ಮಕ್ಕಳು ಸಾವಿಗೀಡಾದ ಘಟನೆ ವರದಿಯಾಗಿದೆ.
ಸೋಮವಾರ ಬೆಳಗ್ಗೆ ಇಲ್ಲಿನ ಟೆಂಡರ್ ಹಾರ್ಟ್ ಶಾಲೆಯ ಮಕ್ಕಳನ್ನು ಶಾಲೆಗೆ ಕರೆದೊಯ್ಯುತ್ತಿದ್ದ ವ್ಯಾನ್ ಕಾಟ್ಕಾ ಮಾಧೋಸಿಂಗ್ ರೈಲ್ವೇ ನಿಲ್ದಾಣದ ಬಳಿಯಲ್ಲಿರುವ ಗೇಟ್ ನಂಬರ್ 26 ನಲ್ಲಿ ದಾಟುತ್ತಿದ್ದಾಗ ವಾರಣಾಸಿ- ಅಲಹಾಬಾದ್ ಪ್ಯಾಸೆಂಜರ್ ರೈಲು ಡಿಕ್ಕಿ ಹೊಡೆದಿದೆ.
ವ್ಯಾನ್‍ನಲ್ಲಿದ್ದ ಮಕ್ಕಳೆಲ್ಲರೂ 10ಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದಾರೆ.
ಗಾಯಗೊಂಡ ಮಕ್ಕಳನ್ನು ಬಿಹೆಚ್‍ಯು ಆಸ್ಪತ್ರೆ ದಾಖಲಿಸಿದ್ದು, ರಕ್ಷಣಾ ಕಾರ್ಯ ಮುಂದುವರಿದಿದೆ.
