ಮುಜಫ್ಫರ್ನಗರ (ಪಿಟಿಐ): 23 ವರ್ಷದ ಶಿಕ್ಷಕಿಯ ಮೇಲೆ ಯುವಕನೊಬ್ಬ ಅತ್ಯಾಚಾರ ಎಸಗಿದ್ದು, ಇದನ್ನು ಆತನ ಸ್ನೇಹಿತರಿಬ್ಬರು ವಿಡಿಯೊ ಚಿತ್ರೀಕರಣ ಮಾಡಿಕೊಂಡ ಘಟನೆ ಜಿಲ್ಲೆಯ ಬಲ್ವಖೇರಿ ಗ್ರಾಮದಲ್ಲಿ ನಡೆದಿದೆ.
ಆರೋಪಿಗಳಾದ ವಿಪಿನ್, ಮೋಹಿತ್ ಹಾಗೂ ಸೌರಭ್ನನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಮೂವರು ಕಾಲೇಜು ವಿದ್ಯಾರ್ಥಿಗಳು. ತಾವು ಕೆಲಸ ಮಾಡುವ ಖಾಸಗಿ ಶಾಲೆಯೊಂದಕ್ಕೆ ಮಕ್ಕಳ ಶಾಲಾ ದಾಖಲಾತಿಗಾಗಿ ಶಿಕ್ಷಕಿ ಮನೆ ಮನೆಗೆ ತೆರಳಿ ಅರಿವು ಮೂಡಿಸುತ್ತಿದ್ದರು. ಆಗ ಈ ಕೃತ್ಯ ನಡೆದಿದೆ.
‘ಮೋಹಿತ್ ಎಂಬ ಯುವಕ ಹಿಂದಿನಿಂದ ಬಂದು ನನ್ನ ಬಾಯಿ ಅದುಮಿ ಹಿಡಿದ. ನನಗೆ ಕೂಗಲು ಸಾಧ್ಯವಾಗಲಿಲ್ಲ. ಆತ ನನ್ನನ್ನು ಖಾಲಿ ಮನೆಯೊಂದಕ್ಕೆ ಎಳೆದುಕೊಂಡು ಹೋದ. ನಂತರ ತನ್ನ ಇಬ್ಬರು ಸ್ನೇಹಿತರಿಗೆ ಕರೆ ಮಾಡಿ ಬರ ಹೇಳಿದ. ಮೋಹಿತ್ ನನ್ನ ಮೇಲೆ ಅತ್ಯಾಚಾರ ನಡೆಸುತ್ತಿದ್ದಾಗ ಅವರಿಬ್ಬರು ಚಿತ್ರೀಕರಣ ಮಾಡಿಕೊಂಡರು’ ಎಂದು ಶಿಕ್ಷಕಿ ದೂರಿದ್ದಾರೆ.