ಗುರುವಾರ ಮೆಲ್ಬರ್ನ್ನಲ್ಲಿ ನಡೆದ ವಾರ್ಷಿಕ ಸಭೆಯಲ್ಲಿ, ‘ಐಸಿಸಿ’ನ 52 ಸದಸ್ಯರು ಶ್ರೀನಿವಾಸನ್ ನೇಮಕ್ಕೆ ಸಂಬಂಧಿಸಿದಂತೆ, ಮಂಡಳಿಯ ನಿಯಮಗಳ ತಿದ್ದುಪಡಿಗೆ ಒಪ್ಪಿಗೆ ಸೂಚಿಸಿದ್ದಾರೆ. ಈ ವಾರಾಂತ್ಯದಲ್ಲಿ ಐಸಿಸಿ ವಾರ್ಷಿಕ ಸಮ್ಮೇಳನ ಮುಗಿಯಲಿದ್ದು, ಅದರ ಬೆನ್ನಿಗೇ ಶ್ರೀನಿವಾಸನ್ ಅಧಿಕಾರ ಸ್ವೀಕರಿಸಲಿದ್ದಾರೆ ಎಂದು ‘ಐಸಿಸಿ’ ಮಾಧ್ಯಮಗಳಿಗೆ ಬಿಡುಗಡೆ ಮಾಡಿರುವ ಪ್ರಕಟಣೆಯಲ್ಲಿ ತಿಳಿಸಿದೆ.
ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಶ್ರೀನಿವಾಸನ್ ಅವರ ಹೆಸರನ್ನು ಈ ಉನ್ನತ ಹುದ್ದೆಗೆ ಸೂಚಿಸಿತ್ತು.
ಕ್ರೀಡಾಂಗಣದ ಒಳಗೆ ಮತ್ತು ಹೊರಗೆ ಕ್ರಿಕೆಟ್ ಅಭಿವೃದ್ಧಿಗೆ ಶ್ರಮಿಸುವುದಾಗಿ ಶ್ರೀನಿವಾಸನ್ ಹೇಳಿದ್ದಾರೆ. ಇದುವರೆಗೆ ನ್ಯೂಜಿಲೆಂಡ್ನ ಆ್ಯಲನ್ ಐಸಾಕ್ ‘ಐಸಿಸಿ’ನ ಅಧ್ಯಕ್ಷರಾಗಿದ್ದರು.