ಪಣಜಿ (ಪಿಟಿಐ): ಹಳೆ ಗೋವಾದಲ್ಲಿ ಸಂತ ಫ್ರಾನ್ಸಿಸ್‌ ಕ್ಸೇವಿಯರ್‌ ಅವರ ಸಂರಕ್ಷಿತ ಪಾರ್ಥಿವ ಶರೀರ ದರ್ಶನದ ವಾರ್ಷಿಕ ಉತ್ಸವ ಶನಿವಾರ ಆರಂಭವಾಯಿತು.
ಸಂರಕ್ಷಿತ ಪಾರ್ಥಿವ ಶರೀರವನ್ನು ಇರಿಸಿರುವ ಬೋಮ್‌ ಜೀಸಸ್‌ ಆಫ್‌ ಬೆಸಿಲಿಕಾ ಚರ್ಚ್‌ನಿಂದ ಪುರ ಮೆರವಣಿಗೆ ನಡೆಸಲಾಯಿತು. ಸಾವಿರಾರು ಮಂದಿ ಭಕ್ತರು ಮೆರವಣಿಗೆಯಲ್ಲಿ ಹಾಜರಿದ್ದರು.
462 ವರ್ಷಗಳ ಹಿಂದೆ ಮೃತಪಟ್ಟಿದ್ದ ಸಂತ ಕ್ಸೇವಿಯರ್‌ ಅವರ ಪಾರ್ಥಿವ ಶರೀರವನ್ನು ವರ್ಷಕ್ಕೊಂದು ಬಾರಿ ಸಾರ್ವಜನಿಕ ದರ್ಶನಕ್ಕಾಗಿ ಹೊರತೆಗೆಯಲಾಗುತ್ತದೆ. ದರ್ಶನ ಕಾರ್ಯಕ್ರಮ ಮುಂದಿನ ವರ್ಷದ ಜನವರಿ 4ರವರೆಗೂ ನಡೆಯಲಿದ್ದು ಸಾವಿರಾರು ಭಕ್ತರು ಪಾಲ್ಗೊಳ್ಳಲಿದ್ದಾರೆ.
