ತಿರುವನಂತಪುರ (ಪಿಟಿಐ): ಕೇರಳದ ಕ್ರಿಶ್ಚಿಯನ್‌ ಧಾರ್ಮಿಕ ಮುಖಂಡರಾಗಿದ್ದ ಫಾದರ್‌ ಕುರಿಯಾಕೋಸ್‌ ಇಲಿಯಾಸ್‌ ಚಾವರ (1805–1871) ಮತ್ತು ಸಿಸ್ಟರ್‌ ಯೂಫ್ರಾಸಿಯಾ (1877–1952) ಅವರು ಸಂತ ಪದವಿಯ ಸಮೀಪಕ್ಕೆ ಬಂದಿದ್ದಾರೆ.
ಚಾವರ ಮತ್ತು ಯೂಫ್ರಾಸಿಯಾ ಅವರು ಮಾಡಿರುವ ಪವಾಡಗಳಿಗೆ ಪೋಪ್‌ ಫ್ರಾನ್ಸಿಸ್‌ ಅವರು ಒಪ್ಪಿಗೆ ನೀಡಿದರೆ ಇವರಿಬ್ಬರು ಸಂತ ಪದವಿಗೆ ಏರುತ್ತಾರೆ ಎಂದು ಚರ್ಚ್‌ ಮೂಲಗಳು ತಿಳಿಸಿವೆ.
ಚಾವರ ಮತ್ತು ಯೂಫ್ರಾಸಿಯಾ ಅವರು ಸಿರೊ ಮಲಬಾರ್‌ ಚರ್ಚ್‌ ಮೂಲದವರು. 6 ವರ್ಷಗಳ ಹಿಂದೆ ವ್ಯಾಟಿಕನ್‌ನಿಂದ ಸಂತ ಪದವಿ ಪಡೆದಿದ್ದ ಕೇರಳದ ಸಿಸ್ಟರ್‌ ಅಲ್ಫೋನ್ಸಾ ಅವರು ಕೂಡ ಇದೇ ಚರ್ಚ್‌ನವರು.
