ನವದೆಹಲಿ (ಪಿಟಿಐ): ಸಂಸತ್ ಮತ್ತು ಸುಪ್ರೀಂಕೋರ್ಟ್ ಕಟ್ಟಡಗಳು ಗಂಭೀರ ರೀತಿಯ ಅಗ್ನಿ ಸುರಕ್ಷತಾ ಲೋಪಗಳನ್ನು ಎದುರಿಸುತ್ತಿವೆ ಎಂದು ಕೇಂದ್ರ ಮಾಹಿತಿ ಆಯೋಗ (ಸಿಐಸಿ) ಹೇಳಿದೆ.
ದಶಕದ ಹಿಂದೆ ಸುಪ್ರೀಂಕೋರ್ಟ್ನ ಅಗ್ನಿ ಸುರಕ್ಷತೆ ಪರಿಶೀಲನೆ ನಡೆಸಿದ ದೆಹಲಿ ಆಗ್ನಿಶಾಮಕ ದಳ ಯಾವ ಕ್ರಮವನ್ನೂ ಕೈಗೊಳ್ಳದ ಬಗ್ಗೆ ಸಿಐಸಿ ಅಗ್ನಿಶಾಮಮಕ ದಳವನ್ನು ತರಾಟೆಗೆ ತೆಗೆದುಕೊಂಡಿದೆ.
ಸಂಸತ್ ಮತ್ತು ಸುಪ್ರೀಂಕೋರ್ಟ್ನ ಅಗ್ನಿ ಸುರಕ್ಷತೆ ಲೋಪಗಳ ಮಾಹಿತಿ ಬಿಡುಗಡೆ ಮಾಡದ ಬಗ್ಗೆಯೂ ಅಸಮಾಧಾನ ವ್ಯಕ್ತಪಡಿಸಿದೆ.