ಸಿಂಹ ನೆನಪಿನ ನಾಟಕೋತ್ಸವಕ್ಕೆ ಉಚಿತ ಪಾಸ್

ಇತ್ತೀಚೆಗೆ ನಿಧನರಾದ ರಂಗಕರ್ಮಿ ಸಿ.ಆರ್. ಸಿಂಹ ಅವರ ನೆನಪಿನಲ್ಲಿ ಏ.29ರಿಂದ ಮೇ ಒಂದರವರೆಗೆ ಮೂರು ದಿನಗಳ ನಾಟಕೋತ್ಸವವನ್ನು ರಂಗ ನಿರಂತರ ಹಾಗೂ ಭಾರತ ಯಾತ್ರಾ ಕೇಂದ್ರ ಜಂಟಿಯಾಗಿ ಹಮ್ಮಿಕೊಂಡಿದ್ದು, ರಂಗಾಸಕ್ತರಿಗೆ ಉಚಿತ ಪಾಸ್‌ಗಳನ್ನೂ ವಿತರಿಸಲಿದೆ.

ರವೀಂದ್ರ ಕಲಾಕ್ಷೇತ್ರದ ಆವರಣದಲ್ಲಿರುವ ಸಂಸ ಬಯಲು ರಂಗಮಂದಿರದಲ್ಲಿ ನಡೆಯುವ ಈ ನಾಟಕೋತ್ಸವದಲ್ಲಿ ‘ಶಿವಸಂಚಾರ’ ತಂಡದ ಕಲಾವಿದರು ಪಾಲ್ಗೊಳ್ಳಲಿದ್ದು, ಶಿವಸಂಚಾರ ನಾಟಕೋತ್ಸವ ಎಂದೇ ಹೆಸರಿಡಲಾಗಿದೆ.

ಏ.29ರಂದು ‘ಮಹಾಬೆಳಗು’ (ರಚನೆ: ಡಾ. ರಾಜಶೇಖರ್ ಹನುಮನಿ, ನಿರ್ದೇಶನ: ವೈ.ಡಿ. ಬಾದಾಮಿ), ಏ 30ರಂದು ‘ಶರಣಸತಿ-ಲಿಂಗಪತಿ’ (ರಚನೆ: ಡಾ. ಶಿವಕುಮಾರ ಶಿವಾಚಾರ್ಯ ಸ್ವಾಮೀಜಿ, ನಿರ್ದೇಶನ: ಎಸ್. ಮಾಲತಿ ಸಾಗರ) ಹಾಗೂ ಮೇ ಒಂದರಂದು ‘ವಿಶ್ವಬಂಧು ಮರುಳಸಿದ್ಧ’ (ರಚನೆ: ಡಾ. ಶಿವಕುಮಾರ ಶಿವಾಚಾರ್ಯ ಸ್ವಾಮೀಜಿ, ನಿರ್ದೇಶನ: ಮಾಲತೇಶ್ ಬಡಿಗೇರ) ನಾಟಕಗಳು ಪ್ರದರ್ಶನಗೊಳ್ಳಲಿವೆ.

ಈ ಎಲ್ಲಾ ನಾಟಕಗಳನ್ನು ರಂಗಾಸಕ್ತರು ಉಚಿತವಾಗಿ ವೀಕ್ಷಿಸಲು ಅನುಕೂಲವಾಗುವಂತೆ ಸಂಘಟಕರು ಉಚಿತ ಪಾಸ್‌ಗಳನ್ನು ವಿತರಿಸಲಿದ್ದಾರೆ. ಏ. 23ರ ಬುಧವಾರ ಸಂಜೆ 4ರಿಂದ ಪಾಸ್‌ಗಳು ರವೀಂದ್ರ ಕಲಾಕ್ಷೇತ್ರದಲ್ಲಿ ಲಭ್ಯವಾಗಲಿದ್ದು, ಆಸಕ್ತರು ಅಲ್ಲಿಯೇ ತಮ್ಮ ಹೆಸರು ನೋಂದಾಯಿಸಿಕೊಂಡು ಪಾಸ್‌ಗಳನ್ನು ಪಡೆದುಕೊಳ್ಳಬಹುದು ಎಂದು ತಿಳಿಸಿದ್ದಾರೆ. ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ: ೯೮೮೬೫ ೪೩೬೯೭/ ೯೦೦೮೧ ೯೯೦೦೩೩/ ೯೮೪೪೪ ೨೯೭೯೨.