ನವದೆಹಲಿ: ನಿಷೇಧಿತ ಉಗ್ರ ಸಂಘಟನೆ ‘ಇಂಡಿಯನ್ ಮುಜಾಹಿದೀನ್’ ಸ್ಥಾಪಕ ಅಮೀರ್ ರೆಜಾ ಖಾನ್ನನ್ನು ಬಂಧಿಸಿದ್ದೇವೆ ಎಂದೇ ನಂಬಿದ್ದ ಭದ್ರತಾ ಸಂಸ್ಥೆಗಳಿಗೆ, ತಮ್ಮ ವಶದಲ್ಲಿರುವ ವ್ಯಕ್ತಿ ಆತನಲ್ಲ ಎಂಬುದು ನಂತರ ಗೊತ್ತಾದ ಘಟನೆ ನಡೆದಿದೆ.
ಕಳೆದ ವಾರ 38 ವರ್ಷದ ಶಂಕಿತ ವ್ಯಕ್ತಿಯೊಬ್ಬನನ್ನು ಯೂರೋಪಿನ ರಾಷ್ಟ್ರವೊಂದರಲ್ಲಿ ವಶಕ್ಕೆ ತೆಗೆದುಕೊಳ್ಳಲಾಗಿತ್ತು. ಹೀಗೆ ವಶಕ್ಕೆ ತೆಗೆದುಕೊಳ್ಳಲಾಗಿದ್ದ ವ್ಯಕ್ತಿ ಹೆಸರೂ ‘ಖಾನ್’ ಆಗಿತ್ತು. ನಂತರ ಈತನ ಭಾವಚಿತ್ರವನ್ನು ಅಸಲಿ ಖಾನ್ನ ಚಿತ್ರದೊಂದಿಗೆ ಹೋಲಿಸಿ ನೋಡಿದಾಗ ಭದ್ರತಾ ಸಂಸ್ಥೆಯವರಿಗೆ ತಾವು ಬಂಧಿಸಿರುವುದು ಉಗ್ರ ಖಾನ್ ಅಲ್ಲ ಎಂಬುದು ದೃಢಪಟ್ಟಿತು.