ಹಗರಣ ಮುಕ್ತ ಭಾರತ

‘ಕೃಷಿ ಹಾಗೂ ಮೂಲಸೌಕರ್ಯ ವಲಯಗಳ ಅಭಿವೃದ್ಧಿಗೆ ಶ್ರಮಿಸಲಾ­ಗುತ್ತದೆ. 2022ರೊಳಗೆ ಎಲ್ಲರಿಗೂ ಮನೆ, ನೀರು ಹಾಗೂ ವಿದ್ಯುತ್‌್ ಸೌಲಭ್ಯ ಒದಗಿಸಬೇಕು ಎನ್ನುವುದು ನಮ್ಮ ಸಂಕಲ್ಪವಾಗಿದೆ.

‘ಹೊಸ ಸರ್ಕಾರದಲ್ಲಿ ಅಲ್ಪಸಂಖ್ಯಾ­ತರ ಭವಿಷ್ಯದ ಬಗ್ಗೆ ಯಾರೂ ಆತಂಕ­ಪಡಬೇಕಾಗಿಲ್ಲ. ಯಾವುದೇ ಒಂದು ಅಂಗ ದುರ್ಬಲವಾದರೂ ಅದು ಇಡೀ ದೇಹದ ಮೇಲೆ ಪರಿಣಾಮ ಬೀರುತ್ತದೆ.  ಅಲ್ಪ­ಸಂಖ್ಯಾತರ ಶ್ರೇಯೋಭಿವೃದ್ಧಿಗೆ ನಾವು ಬದ್ಧರಾ­ಗಿದ್ದೇವೆ. ಇದನ್ನು ನಾವು ಓಲೈಕೆ ರಾಜಕೀಯ ಎಂದು ಭಾವಿಸುವುದಿಲ್ಲ.

‘ಅಭಿವೃದ್ಧಿಯ ವಿಚಾರದಲ್ಲಿ ರಾಜ್ಯ­ಗಳ ನಡುವೆ ಪೈಪೋಟಿ ಇರಬೇಕು. ನಾವು ಗುಜರಾತ್‌ ಹಿಂದಿಕ್ಕಿದ್ದೇವೆ ಎಂದು ರಾಜ್ಯಗಳು ಹೇಳುವುದನ್ನು ಕೇಳಿ­ಸಿ­­ಕೊಳ್ಳಲು  ತುದಿಗಾಲ ಮೇಲೆ ನಿಂತಿ­ದ್ದೇನೆ. ರಾಜ್ಯಗಳ ಜತೆ ದೊಡ್ಡಣ್ಣನಂತೆ ವರ್ತಿಸುವುದಿಲ್ಲ. ಪರಸ್ಪರ ಸಹಕಾರದ ಒಕ್ಕೂಟ ವ್ಯವಸ್ಥೆಯಲ್ಲಿ ನಂಬಿಕೆ ಹೊಂದಿದ್ದೇವೆ.

‘ಲೋಕಸಭೆ ಚುನಾವಣೆಯ ಬಳಿಕ ಬಿಜೆಪಿ ಗರ್ವ­ಪಡುತ್ತಿದೆ ಎಂದು ವಿರೋಧ­ಪಕ್ಷಗಳು ಮಾಡಿದ ಆರೋಪ­­ವನ್ನು ನಾನು ಅಲ್ಲಗಳೆಯುತ್ತೇನೆ. ಗೆಲುವು ಪಾಠ ಕಲಿಸುತ್ತದೆ. ನಮ್ಮನ್ನು ವಿನಮ್ರರ­ನ್ನಾಗಿ ಮಾಡುತ್ತದೆ.

‘ನಾವು ಟೀಕೆಗಳನ್ನು ಸ್ವಾಗತಿಸು­ತ್ತೇವೆ.   ಪ್ರಜಾತಂತ್ರ­ದಲ್ಲಿ ಟೀಕೆ­ಗಳು ನಮಗೆ ಬಲ ನೀಡುತ್ತವೆ ಹಾಗೂ ನಮ್ಮನ್ನು ಮುನ್ನಡೆಸುತ್ತವೆ’ ಎಂದರು.   
ತಮ್ಮ ಭಾಷಣದಲ್ಲಿ ಆಗಾಗ ಮಹಾತ್ಮ ಗಾಂಧಿ ಅವ­ರನ್ನು ಉಲ್ಲೇಖಿ­ಸಿದ ಅವರು, ಗಾಂಧಿ ಅವರ 150ನೇ ಜಯಂತಿಯ ವರ್ಷವಾದ 2019­ರೊ­ಳಗೆ ದೇಶ­ದಾದ್ಯಂತ ಸ್ವಚ್ಛತಾ ಆಂದೋ­ಲನ ಕೈಗೊಳ್ಳಬೇಕು ಎಂದು ಹೇಳಿದರು.

ಕಾಂಗ್ರೆಸ್‌್ ನಾಯಕ  ಮಲ್ಲಿ­ಕಾರ್ಜುನ ಖರ್ಗೆ ಅವರು, ಲೋಕಸಭೆ­ಯಲ್ಲಿ ಆಡಳಿತ ಪಕ್ಷ ಹಾಗೂ ವಿರೋಧ­­ಪಕ್ಷದ ಬಲಾಬಲವನ್ನು ಕೌರವರು–ಪಾಂಡ­ವರಿಗೆ ಹೋಲಿಸಿದ್ದಕ್ಕೆ  ತಿರುಗೇಟು ನೀಡಿದ ಮೋದಿ, ‘ಕೌರವ–ಪಾಂಡವ ಯುಗ ಮುಗಿಯಿತು. ನಾವು ಎಲ್ಲರನ್ನೂ ವಿಶ್ವಾಸಕ್ಕೆ ತೆಗೆದುಕೊಂಡು ಮುಂದೆ ಸಾಗುತ್ತೇವೆ’ ಎಂದರು.

‘ಕಷ್ಟಗಳು ಎದುರಾಗ­ಬಹುದು. ಆದರೆ  ನಿಮ್ಮ (ವಿರೋಧ­ಪಕ್ಷ) ಸಹ­ಕಾರ­ದಿಂದ ನಾವು ಮುಂದೆ ಸಾಗು­ತ್ತೇವೆ. ಈ ಸದನಕ್ಕೆ ಬರುವಾಗ ಕಹಿಭಾವನೆ­ಯನ್ನು ಹೊರಗೇ ಬಿಟ್ಟು ಒಳಗೆ ಕಾಲಿಡೋಣ’ ಎಂದರು.

ರಾಜ್ಯಸಭೆಯಲ್ಲಿ: ರಾಷ್ಟ್ರಪತಿ ಭಾಷಣಕ್ಕೆ ವಂದನಾ ನಿರ್ಣಯದ ಮೇಲಿನ ಚರ್ಚೆಗೆ ಮೇಲ್ಮನೆಯಲ್ಲಿ ಉತ್ತರಿಸಿದ ಪ್ರಧಾನಿ ಮೋದಿ,  ಭ್ರಷ್ಟಾಚಾರ ರಹಿತ ಭಾರತ ತಮ್ಮ ಗುರಿ ಎಂದು ಅವರು ಹೇಳಿದರು.

ರಾಜಕೀಯವನ್ನು ಅಪರಾಧದಿಂದ ಮುಕ್ತಗೊಳಿಸುವ ನಿಟ್ಟಿನಲ್ಲಿ ಕಳಂಕಿತ ಸಂಸದರ ವಿರುದ್ಧ ಬಾಕಿ ಇರುವ ಪ್ರಕರಣಗಳನ್ನು ಇತ್ಯರ್ಥ­ಗೊಳಿಸುವಂತೆ ನ್ಯಾಯಾಂಗಕ್ಕೆ ಮನವಿ ಮಾಡಿಕೊಳ್ಳಲಾಗುವುದು ಎಂದರು.