ಶಿಮ್ಲಾ(ಐಎಎನ್ಎಸ್): ಹಿಮಾಚಲ ಪ್ರದೇಶದಲ್ಲಿ ಭಾರಿ ಹಿಮಪಾತವಾಗುತ್ತಿರುವ ಕಾರಣ ಮನಾಲಿಯ ಪ್ರವಾಸಿ ರೆಸಾರ್ಟ್ ನಲ್ಲಿ ಸಿಲುಕಿದ್ದ ಸುಮಾರು 600 ಪ್ರವಾಸಿಗರನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿದೆ ಎಂದು ಭಾನುವಾರ ಅಧಿಕಾರಿಗಳು ತಿಳಿಸಿದ್ದಾರೆ.
ಇನ್ನೂ 18 ಪ್ರವಾಸಿಗರು ಹಿಮದಲ್ಲಿ ಸಿಲುಕಿದ್ದು ಅವರಿಗೆ ಮನಾಲಿಯಿಂದ 35ಕಿ.ಮೀ ದೂರದ ಮಾರ್ಹಿಯಲ್ಲಿ ವಸತಿ ಕಲ್ಪಿಸಿಕೊಡಲಾಗಿದೆ ಎಂದು ಉಪ ಜಿಲ್ಲಾ ಮ್ಯಾಜಿಸ್ಟ್ರೇಟ್ ವಿನಯ್ ಧಿಮಾನ್ ತಿಳಿಸಿದ್ದಾರೆ.
‘ರೋಹ್ಟಂಗ್ಗೆ ತೆರಳುತ್ತಿದ್ದ ಸಂದರ್ಭದಲ್ಲಿ ಗುಲಬಾ ಹಾಗೂ ಮಾರ್ಹಿ ಮಾರ್ಗದ ನಡುವೆ ಸಿಲುಕಿದ್ದ ಬಹುತೇಕ ಪ್ರವಾಸಿಗರನ್ನು ಅಲ್ಲಿಂದ ಸ್ಥಳಾಂತರಿಸಲಾಯಿತು’ ಎಂದು ತಿಳಿಸಿದ್ದಾರೆ.