ನವದೆಹಲಿ (ಪಿಟಿಐ): ‘ಸುಪ್ರೀಂ ಕೋರ್ಟ್ ಮತ್ತು ಹೈಕೋರ್ಟ್ ನ್ಯಾಯಮೂರ್ತಿಗಳ ನೇಮಕಾತಿಗೆ ಈವರೆಗೆ ಜಾರಿಯಲ್ಲಿದ್ದ ಕೊಲಿಜಿಯಂ ವ್ಯವಸ್ಥೆಯೇ ಸೂಕ್ತ’ ಎಂದು ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಮೂರ್ತಿ ಆರ್.ಎಂ. ಲೋಧಾ ಅಭಿಪ್ರಾಯಪಟ್ಟಿದ್ದಾರೆ.
ದಶಕಗಳಷ್ಟು ಹಳೆಯದಾದ ಕೊಲಿಜಿಯಂ ವ್ಯವಸ್ಥೆ ರದ್ದುಗೊಳಿಸಿ ಅದಕ್ಕೆ ಪರ್ಯಾಯವಾಗಿ ನ್ಯಾಯಾಂಗ ನೇಮಕಾತಿ ಆಯೋಗ ರಚಿಸಲು ಮುಂದಾ-ಗಿರುವ ಕೇಂದ್ರ ಸರ್ಕಾರದ ನಿರ್ಧಾರದ ವಿರುದ್ಧ ಅಸಮಾಧಾನ ಹೊರ ಹಾಕಿದ್ದಾರೆ.
ಸೇವೆಯಿಂದ ನಿವೃತ್ತರಾಗುವ ಮುನ್ನಾ-ದಿನ ಶುಕ್ರವಾರ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು ಸರ್ಕಾರದ ನಿರ್ಧಾರದ ವಿರುದ್ಧ ಪರೋಕ್ಷ ವಾಗ್ದಾಳಿ ನಡೆಸಿದರು.
ಉನ್ನತ ನ್ಯಾಯಾಲಯಗಳ ನ್ಯಾಯ-ಮೂರ್ತಿಗಳನ್ನು ನೇಮಕ ಮಾಡುವ ವ್ಯವಸ್ಥೆಯಲ್ಲಿ ನ್ಯಾಯಾಂಗದಲ್ಲಿ ಅನು-ಭವ ಇಲ್ಲದ ವ್ಯಕ್ತಿಗಳಿದ್ದರೆ ನ್ಯಾಯಾಂಗ ಸ್ವಾತಂತ್ರ್ಯಕ್ಕೆ ಧಕ್ಕೆಯಾಗುತ್ತದೆ ಎಂದು ಲೋಧಾ ಅವರು ಖಂಡತುಂಡವಾಗಿ ಹೇಳಿದರು. ನ್ಯಾಯಮೂರ್ತಿಗಳು ಮಾತ್ರ ಉತ್ತಮ ನ್ಯಾಯಮೂರ್ತಿಗಳನ್ನು ಆಯ್ಕೆ ಮಾಡಲು ಸಾಧ್ಯ. ಇಂಥ ವ್ಯವಸ್ಥೆ ಬಿಟ್ಟು ಪರ್ಯಾಯ ವ್ಯವಸ್ಥೆ ಮೂಲಕ ನ್ಯಾಯಮೂರ್ತಿಗಳನ್ನು ಆಯ್ಕೆ ಮಾಡುವುದರಿಂದ ನ್ಯಾಯಾಂಗ ವ್ಯವಸ್ಥೆ ಮೇಲೂ ವ್ಯತಿರಿಕ್ತ ಪರಿಣಾಮ-ವಾಗುತ್ತದೆ ಎಂದು ತರಾಟೆಗೆ ತೆಗೆದುಕೊಂಡರು.
‘ನ್ಯಾಯಮೂರ್ತಿಗಳು ಮಾತ್ರ ಇತರ ನ್ಯಾಯಾಧೀಶರ ಕೌಶಲ, ಕಾನೂನು ಜ್ಞಾನ, ಹಿನ್ನೆಲೆ, ವರ್ತನೆ ಹಾಗೂ ಸಾಮರ್ಥ್ಯ ಅರಿತಿರುತ್ತಾರೆ. ನ್ಯಾಯ-ಮೂರ್ತಿಗಳ ಆಯ್ಕೆಗೆ ನ್ಯಾಯ-ಮೂರ್ತಿಗಳೇ ಸೂಕ್ತ ಆಯ್ಕೆಯೇ ಹೊರತು ಅವರಿಗಿಂತ ಮತ್ತೊಬ್ಬ ಬೇರೆ ಸೂಕ್ತ ವ್ಯಕ್ತಿ ಸಿಗಲಾರರು’ ಎಂದರು.
ಉನ್ನತ ನ್ಯಾಯಾಲಯಗಳ ನ್ಯಾಯ-ಮೂರ್ತಿಗಳು ಸೇವೆಯಿಂದ ನಿವೃತ್ತ-ರಾದ ಕನಿಷ್ಠ ಎರಡು ವರ್ಷಗಳ ವರೆಗೆ ಅವರನ್ನು ಯಾವುದೇ ಸಾಂವಿಧಾನಿಕ ಹುದ್ದೆ ಅಥವಾ ಸರ್ಕಾರದ ಜವಾ-ಬ್ದಾರಿ-ಯುತ ಹುದ್ದೆಗೆ ಪರಿಗಣಿಸ-ಬಾರದು. ನ್ಯಾಯಮೂರ್ತಿಗಳು ಕೂಡ ಅಂತಹ ಆಹ್ವಾನವನ್ನು ಒಪ್ಪಿಕೊಳ್ಳ-ಬಾರದು ಎಂದು ಲೋಧಾ ಸಲಹೆ ಮಾಡಿದರು.
ಹಿರಿಯ ಮತ್ತು ಸಮರ್ಥ ವಕೀಲರನ್ನು ನೇರವಾಗಿ ಸುಪ್ರೀಂಕೋರ್ಟ್ ನ್ಯಾಯಮೂರ್ತಿಗಳ ಹುದ್ದೆಗೆ ನೇಮಕ ಮಾಡುವಂತೆಯೂ ಅವರು ಇದೇ ವೇಳೆ ಪ್ರಬಲವಾಗಿ ಪ್ರತಿಪಾದಿಸಿದರು.
ತಾವು ಅನುಸರಿಸಿದ ಈ ನೀತಿಯನ್ನು ತಮ್ಮ ಉತ್ತರಾಧಿಕಾರಿಗಳು ಅನುಸರಿಸುತ್ತಾರೆ ಎಂಬ ವಿಶ್ವಾಸವನ್ನೂ ಆಶಯ ವ್ಯಕ್ತಪಡಿಸಿದರು.
‘ನಾನು ಒಟ್ಟು ಐವರು ವಕೀಲರನ್ನು ಸುಪ್ರೀಂಕೋರ್ಟ್ ನ್ಯಾಯಮೂರ್ತಿಗಳ ಹುದ್ದೆಗೆ ಶಿಫಾರಸು ಮಾಡಿದ್ದೆ. ಆ ಪೈಕಿ ಇಬ್ಬರಿಗೆ ನ್ಯಾಯಮೂರ್ತಿ-ಗಳಾಗುವ ಅಕಾಶ ದೊರೆಯಿತು.
ಈ ಸಂಪ್ರದಾಯ ಮುಂದುವರೆಯಬೇಕು.ವೈಯಕ್ತಿಕ ಹಾಗೂ ಇನ್ನಿತರ ಕಾರಣ-ದಿಂದ ಮೂವರ ಹೆಸರನ್ನು ಸರ್ಕಾರ ಪರಿಗಣಿ-ಸಿರ-ಲಿಲ್ಲ. ಯಾವುದೇ ಕಾರಣ-ಕ್ಕೂ ವಕೀಲರ ಸಾಮರ್ಥ್ಯವನ್ನು ಕಡೆ-ಗಣಿಸ-ಬಾರದು’ ಎಂದು ಸಲಹೆ ಮಾಡಿ-ದರು. ಸುಪ್ರೀಂಕೋರ್ಟ್ ವಕೀಲ-ರಾಗಿದ್ದ ಆರ್.ಎಫ್. ನಾರಿ-ಮನ್, ಯು.ಯು.-ಲಲಿತ್ ಅವರನ್ನು ನ್ಯಾಯ-ಮೂರ್ತಿ-ಹುದ್ದೆಗೆ ನೇಮಕ ಮಾಡಲಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.