ಉಡುಪಿ: ಉಡುಪಿಯ ಜಯಂಟ್ಸ್ ಗ್ರೂಪ್‌ ಮತ್ತು ಉಡುಪಿಯ ಜಿಎಸ್‌ಬಿ ಯುವಕ ಮಂಡಲದ ಜಂಟಿ ಆಶ್ರಯದಲ್ಲಿ ಉಚಿತ ‘ಕ್ಲೇ ಮಾಡೆಲ್’ ತರಬೇತಿ ಹಾಗೂ ಸ್ಪರ್ಧೆಗಳನ್ನು ಇತ್ತೀಚೆಗೆ ವೆಂಕಟರಮಣ ದೇವಸ್ಥಾನದಲ್ಲಿ ಏರ್ಪಡಿಸಲಾಗಿತ್ತು.
ಲಕ್ಷ್ಮೀ ವೆಂಕಟೇಶ್ ದೇವಳದ ಮೊಕ್ತೇಸರ ರೋಹಿತಾಕ್ಷ ಪಡಿಯಾರ ಕಾರ್ಯಕ್ರಮ ಉದ್ಘಾಟಿಸಿದರು. ಸಂಪನ್ಮೂಲ ವ್ಯಕ್ತಿಯಾಗಿ ಆಗಮಿಸಿದ ಶೇಖರ್ ಮಾಸ್ಟರ್, ಕ್ಲೇ ಮಾಡೆಲ್ ಮಾಡುವ ವಿಧಾನವನ್ನು ವಿವರಿಸಿದರು.
ಸಮಾರೋಪ ಸಮಾರಂಭದಲ್ಲಿ ರೋಹಿತಾಕ್ಷ ಪಡಿಯಾರ್, ಸಿಂಧು ಕಾಮತ್, ಶೇಖರ್ ಮಾಸ್ಟರ್ ಅವರು ಬಹುಮಾನ ವಿತರಣೆಯನ್ನು ನೆರವೇರಿಸಿದರು.
೫ರಿಂದ ೧೦ ವರ್ಷದೊಳಗಿನವರ ವಿಭಾಗದಲ್ಲಿ ತೇಜಸ್‌ ಪ್ರಥಮ, ವಿಘ್ನೇಶ್ ಶೆಣೈ ದ್ವಿತೀಯ, ಅಮೇಯ್ ಪೈ ತೃತೀಯ ಬಹುಮಾನ ಪಡೆದರು. ಪ್ರಥಮ್ ಕಾಮತ್ ಕಟಪಾಡಿ ಹಾಗೂ ವೈಭವ್ ಕಾಮತ್ ಸಮಾಧಾನಕರ ಬಹುಮಾನ ಪಡೆದರು.
೧೦ರಿಂದ ೧೫ ವರ್ಷದೊಳಗಿನವರ ವಿಭಾಗದಲ್ಲಿ ಕಿಶನ್‌ ಪ್ರಥಮ, ಮಹಿಮಾ ದ್ವಿತೀಯ, ರೇಯಿಸು ತೃತೀಯ ಬಹುಮಾನ ಪಡೆದರೆ. ಉತ್ತಮ್ ಹಾಗೂ ಸುಮಂತ್ ಪೈ ಸಮಾಧಾನಕರ ಬಹುಮಾನ ಪಡೆದರು. ೧೫ರಿಂದ ೨೦ ವರ್ಷದೊಳಗಿನವರ ವಿಭಾಗದಲ್ಲಿ ಮೇಘಾ ಪ್ರಥಮ, ಕೆ. ರಕ್ಷು ಭಟ್‌ ದ್ವಿತೀಯ ಬಹುಮಾನ ಪಡೆದರು.
ಜಯಂಟ್ಸ್ ಗ್ರೂಪ್‌ನ ಅಧ್ಯಕ್ಷ ದೇವದಾಸ್ ಕಾಮತ್, ಯುವಕ ಮಂಡಲ ಅಧ್ಯಕ್ಷ ಸುಬ್ರಹ್ಮಣ್ಯ ಪೈ, ಸಂಘದ ಸದಸ್ಯ ಭಾಸ್ಕರ್ ಶೆಣೈ, ರೇಖಾ ಪೈ, ಕಲ್ಯಾಣಿ ಪೈ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. ಸುಮಾರು ೧೦೦ ವಿದ್ಯಾರ್ಥಿಗಳು ಭಾಗವಹಿಸಿ ಕಾರ್ಯಕ್ರಮದ ಪ್ರಯೋಜನ ಪಡೆದರು.ಸುಬ್ಬಣ ಪೈ ಸ್ವಾಗತಿಸಿ,ವಸಂತ ಕಿಣಿ ಕಾರ್ಯಕ್ರಮ ನಿರೂಪಿಸಿದರು, ದೇವದಾಸ್ ಕಾಮತ್ ವಂದಿಸಿದರು.
