ಮಂಬೈ (ಪಿಟಿಐ): ಗುಟ್ಕಾ ಉತ್ಪನ್ನಗಳ ಮೇಲೆ ನಿಷೇಧ ಹೇರಲು ರಾಜ್ಯ ಸರ್ಕಾರಗಳು ಕಾನೂನು ರೂಪಿಸಿರುವುದರಿಂದ ಗುಟ್ಕಾ ಉತ್ಪಾದನೆ ಕಡಿಮೆಯಾಗಿ ಅದರ ಸೇವನೆಯೂ ಇಳಿದಿದಿ ಎಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ)ಹೇಳಿದೆ.
ಈ ಕುರಿತು ಅಸ್ಸಾಂ, ಬಿಹಾರ, ಗುಜರಾತ್, ಕರ್ನಾಟಕ, ಮಧ್ಯಪ್ರದೇಶ, ಮಹಾರಾಷ್ಟ್ರ, ಒಡಿಶಾ ರಾಜ್ಯಗಳಲ್ಲಿ ವಿಶ್ವಸಂಸ್ಥೆ ಸಮೀಕ್ಷೆ ನಡೆಸಿದ್ದು, ಶೇ 92ರಷ್ಟು ಜನ ಗುಟ್ಕಾ ಮಾರಾಟ ನಿಷೇಧ ಬೆಂಬಲಿಸಿದ್ದಾರೆ.
ಗುಟ್ಕಾ ನಿಷೇಧಿಸಿರುವುದು ಭಾರತದ ಯುವಕರ ಆರೋಗ್ಯದ ದೃಷ್ಟಿಯಿಂದ ಉತ್ತಮ ಎಂಬುದನ್ನು ಶೇ 99ರಷ್ಟು ಜನ ಅಭಿಪ್ರಾಯಪಟ್ಟಿದ್ದಾರೆ ಎಂದು ಸಮೀಕ್ಷೆಯಿಂದ ಗೊತ್ತಾಗಿದೆ.
‘ಗುಟ್ಕಾ ನಿಷೇಧ ಅದರ ಸೇವನೆ ಕಡಿಮೆ ಮಾಡಲಿದೆ ಎನ್ನುವುದು ಸಂಶೋಧನೆಯಿಂದ ತಿಳಿದು ಬಂದಿದೆ’ ಎಂದು ಡಬ್ಲುಎಚ್ಒದ ಭಾರತದ ಪ್ರತಿನಿಧಿ ಡಾ. ನತಾ ಮಿನಾಬ್ದೆ ತಿಳಿಸಿದ್ದಾರೆ.