ನ್ಯೂಯಾರ್ಕ್ (ಐಎಎನ್ಎಸ್): ಜಗತ್ತಿನಾದ್ಯಂತ ಅಂತರ್ಜಾಲ ಬಳಸುವ ಶೇ 6ರಷ್ಟು ಮಂದಿಗೆ ದೈಹಿಕ ಹಾಗೂ ಮಾನಸಿಕ ಆರೋಗ್ಯ ಸಮಸ್ಯೆಗಳು ಕಾಡುತ್ತಿವೆ ಎಂದು ಇತ್ತೀಚಿನ ಸಂಶೋಧನೆಯೊಂದು ಹೇಳಿದೆ.
ಹಾಂಕಾಂಗ್ ವಿಶ್ವವಿದ್ಯಾಲಯದ ತಜ್ಞರ ತಂಡ ಈ ಸಂಶೋಧನೆ ನಡೆಸಿದ್ದು, 31 ದೇಶಗಳಲ್ಲಿ ಅಂತರ್ಜಾಲ ಬಳಸುವ 89 ಸಾವಿರ ಮಂದಿಯನ್ನು ಈ ಸಂಶೋಧನೆಗೆ ಒಳಪಡಿಸಲಾಗಿತ್ತು.
ಹೆಚ್ಚಿನ ಸಮಯ ಅಂತರ್ಜಾಲ ಬಳಸುವ ವ್ಯಸನಕ್ಕೆ ತುತ್ತಾಗಿರುವವರಲ್ಲಿ ರಕ್ತದೊತ್ತಡ ಹಾಗೂ ಮಾನಸಿಕ ಆರೋಗ್ಯ ಸಮಸ್ಯೆಗಳು ಹೆಚ್ಚಾಗಿವೆ. ಇದರಿಂದ ಗುಣಮಟ್ಟದ ಜೀವನದಿಂದ ಅವರು ವಂಚಿತರಾಗುತ್ತಿದ್ದಾರೆ ಎಂದು ಸಂಶೋಧಕರು ಹೇಳಿದ್ದಾರೆ.