ನವದೆಹಲಿ: ಆಡಳಿತ ದಕ್ಷತೆ ಹೆಚ್ಚಿಸುವ ಜತೆಗೆ ಕಾರ್ಪೊರೇಟ್‌ ಕಾರ್ಯವೈಖರಿ ಅಳವಡಿಸಿಕೊಳ್ಳುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರಿ ನೌಕರರೆಲ್ಲರೂ ಬೆಳಿಗ್ಗೆ 8ರಿಂದ ಸಂಜೆ6ರವರೆಗೆಕಾರ್ಯನಿರತರಾಗಬೇಕೆಂಬ ಪ್ರಸ್ತಾವವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಮಂಡಿಸಿದ್ದಾರೆ.
ಇದೇ ವೇಳೆ ಅವರು ಮಧ್ಯಾಹ್ನದ ಊಟದ ಅವಧಿ ವೇಳೆ ನೌಕರರಿಗೆ ಎರಡು ಗಂಟೆಗಳ ಅವಧಿಯ ಬಿಡುವು ನೀಡುವುದು ಸೂಕ್ತ ಎಂದೂ ಅಭಿಪ್ರಾಯಪಟ್ಟಿದ್ದಾರೆ. ಮೋದಿ ಅವರು ಕೇಂದ್ರ ಸರ್ಕಾರದ ಉನ್ನತ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದ ಮೂರು ದಿನಗಳಲ್ಲೇ ಈ ಪ್ರಸ್ತಾವ ಕೇಳಿಬಂದಿದೆ.
ಇದುವರೆಗೆ ಯಾವ ಪ್ರಧಾನಿಯಿಂದಲೂ ಅಧಿಕಾರಿಗಳಿಗೆ ಇಂತಹ ನಿರ್ದೇಶನ ಬಂದಿರಲಿಲ್ಲ ಎನ್ನಲಾಗಿದೆ.
