‘ಮಾಹಿತಿ ಬಹಿರಂಗ: ಭಾರತದ ಜತೆ ಭಿನ್ನಾಭಿಪ್ರಾಯ’

ಆದರೆ ಭಾರತದಲ್ಲಿ ಹೊಸ ಸರ್ಕಾರ ಅಧಿ­ಕಾರಕ್ಕೆ ಬಂದಿರುವುದರಿಂದ ಈ ಭಿನ್ನಾ­ಭಿಪ್ರಾಯಗಳನ್ನು ಬೇಗನೇ ಬಗೆ­ಹರಿಸಿ­ಕೊಳ್ಳಬಹುದು ಎಂದು ಸ್ವಿಟ್ಜರ್‌­ಲೆಂಡ್‌ನ ವಿದೇಶಾಂಗ ಸಚಿವಾಲಯದ ಅಧಿಕಾರಿ ವ್ಯಾಲೆಂಟಿನ್‌ ಜೆಲ್‌ವೆಗರ್‌ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

‘ಸ್ವಿಟ್ಜರ್‌ಲೆಂಡ್‌ನಲ್ಲಿನ ಸದ್ಯದ ಕಾನೂ­­ನಿನ ಪ್ರಕಾರ ತೆರಿಗೆ ಮರೆ­ಮಾಚು­ವುದು ಕ್ರಿಮಿನಲ್‌ ಅಪರಾಧವಲ್ಲ ಎಂದು ಸ್ಪಷ್ಟಪಡಿಸಿರುವ ಅವರು, ಅಕ್ರಮಗಳಿಗೆ ಸಂಬಂಧಿಸಿದಂತೆ ಯಾವುದೇ ಗೋಪ್ಯತೆ ಎಂಬುದು ಇಲ್ಲ ಎಂದೂ ಹೇಳಿದ್ದಾರೆ.

‘ಬೇರೊಂದು ದೇಶದ ವಿಚಾರಣಾ ಸಂಸ್ಥೆ ಯಾವುದೇ ಮಾಹಿತಿ ಕೇಳಿದರೆ ಅದನ್ನು ತಡ ಮಾಡದೆ ಒದಗಿಸಲಾಗು­ವುದು. ‘ನಿಮ್ಮ ಗ್ರಾಹಕರನ್ನು ತಿಳಿಯಿರಿ’ (ಕೆವೈಸಿ) ನಿಯಮಾವಳಿಯನ್ನು ನಾವು ಕಟ್ಟು­ನಿಟ್ಟಾಗಿ ಪಾಲಿಸುತ್ತಿದ್ದೇವೆ. ಇಂತಹ ಸಂದರ್ಭದಲ್ಲಿ ಯಾವುದೇ ಗೋಪ್ಯತೆ ಎಂಬುದು ಇಲ್ಲ’ ಎಂದು ವಿವರಿಸಿದ್ದಾರೆ.

‘ಭಾರತ ಸರ್ಕಾರದೊಂದಿಗೆ ಈವರೆಗೆ ನಾವು ತೆರಿಗೆ ಮರೆಮಾಚುವಿಕೆಗೆ ಸಂಬಂ­ಧಿಸಿ­ದಂತೆ ಸುದೀರ್ಘವಾಗಿ ಚರ್ಚಿಸಿ­ದ್ದೇವೆ. ಆದರೆ ಬೇರ್‍್ಯಾವುದೇ ಅಕ್ರಮಗಳ ಬಗ್ಗೆ ಮಾತುಕತೆ ನಡೆಸಿಲ್ಲ’ ಎಂದೂ ಅವರು ಹೇಳಿದ್ದಾರೆ. ತೆರಿಗೆ ಮರೆಮಾಚುವ ಪ್ರಕರಣ­ಗ­ಳನ್ನು ಜಾಗತಿಕ ಮಾನದಂಡಗಳಿಗೆ ಅನು­ಗುಣವಾಗಿ ಕ್ರಿಮಿನಲ್‌ ಅಪರಾಧವೆಂದು ಪರಿಗಣಿಸುವ ಬಗ್ಗೆ ಸ್ವಿಸ್‌ ಸರ್ಕಾರ ಕೂಡ ಚಿಂತಿಸು­­­ತ್ತಿದೆ ಎಂದು ಇದೇ ಸಂದರ್ಭ­­ದಲ್ಲಿ ತಿಳಿಸಿದರು.