ಮಾಸ್ಕೊ (ಎಎಫ್ಪಿ): ಹಿಂದಿನ ಸೋವಿಯತ್ ಒಕ್ಕೂಟದ ಭಾಗವಾಗಿದ್ದ ಪೂರ್ವ ಉಕ್ರೇನ್ ಪ್ರದೇಶವನ್ನು ‘ಸ್ವತಂತ್ರ ದೇಶ’ವನ್ನಾಗಿ ಪರಿಗಣಿಸುವಂತೆ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಭಾನುವಾರ ಸಲಹೆ ಮಾಡಿದ್ದಾರೆ.
ಪೂರ್ವ ಉಕ್ರೇನ್ ಭಾಗದಲ್ಲಿ ವಾಸಿಸುತ್ತಿರುವ ಜನರ ಹಕ್ಕುಗಳನ್ನು ಕಾಪಾಡುವ ಉದ್ದೇಶದಿಂದ ಪೂರ್ವ ಉಕ್ರೇನ್ ಸ್ವತಂತ್ರ ದೇಶದ ಸ್ಥಾಪನೆ ಕುರಿತು ದೃಢವಾದ ಮಾತುಕತೆ ನಡೆಸಬೇಕಾಗಿದೆ ಎಂದು ಟಿ.ವಿ ಸಂದರ್ಶನವೊಂದರಲ್ಲಿ ಪುಟಿನ್ ತಿಳಿಸಿದ್ದಾರೆ.
ಈ ಸಂದರ್ಶನವನ್ನು ಶುಕ್ರವಾರ ಚಿತ್ರೀಕರಿಸಿಕೊಂಡಿದ್ದು, ಕಾರ್ಯಕ್ರಮದಲ್ಲಿ ರಷ್ಯಾದ ಮೇಲೆ ಹೆಚ್ಚುವರಿ ಪಾಶ್ಚಾತ್ಯ ನಿರ್ಬಂಧಗಳ ಬಗ್ಗೆ ಪುಟಿನ್ ನೇರವಾಗಿ ಮಾತನಾಡಲಿಲ್ಲ.
ಫೆಬ್ರುವರಿಯಲ್ಲಿ ಪೂರ್ವ ಉಕ್ರೇನ್ ಭಾಗದಲ್ಲಿ ಉಂಟಾದ ಬಿಕ್ಕಟ್ಟು ಸಂದರ್ಭದಲ್ಲಿ ಕ್ರೆಮ್ಲಿನ್ ಅಧ್ಯಕ್ಷ ವಿಕ್ಟರ್ ಯನುಕೋಚ್ ಅವರ ವಿರುದ್ಧ ನಡೆದ ಕ್ಷಿಪ್ರಕ್ರಾಂತಿಗೆ ಬೆಂಬಲ ನೀಡಿದ ಆರೋಪವನ್ನು ಅವರು ಈ ಸಂದರ್ಭದಲ್ಲಿ ತಳ್ಳಿಹಾಕಿದ್ದಾರೆ.