ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

₨100 ಕೋಟಿಗೆ ದಾವೆ

ಜಿಯಾ ತಾಯಿ ವಿರುದ್ಧ ಪಂಚೋಲಿ ಮಾನನಷ್ಟ
Last Updated 5 ಜುಲೈ 2014, 19:30 IST
ಅಕ್ಷರ ಗಾತ್ರ

ಮುಂಬೈ (ಪಿಟಿಐ): ಬಾಲಿವುಡ್‌ ನಟಿ ಜಿಯಾ ಖಾನ್‌ ಆತ್ಮಹತ್ಯೆಗೆ ಪ್ರಚೋ­ದನೆ ನೀಡಿದ ಆರೋಪ ಹೊತ್ತಿ­ರುವ ನಟ ಸೂರಜ್‌ ಪಂಚೋಲಿ ಪೋಷಕ­ರಾದ ತಾರಾ ದಂಪತಿ ಆದಿತ್ಯ ಪಂಚೋಲಿ- ಮತ್ತು  ಜರೀನಾ ವಾಹಬ್ ಅವರು ಜಿಯಾ ತಾಯಿ ರಬಿಯಾ ಖಾನ್‌ ವಿರುದ್ಧ ಬಾಂಬೆ ಹೈಕೋರ್ಟ್‌ನಲ್ಲಿ ₨ 100 ಕೋಟಿಗಳ ಮಾನನಷ್ಟ ಮೊಕ­ದ್ದಮೆ ದಾಖಲಿಸಿದ್ದಾರೆ.

ಶುಕ್ರವಾರ ಪಂಚೋಲಿ ದಂಪತಿಯ ಅರ್ಜಿ ವಿಚಾ­ರಣೆ­ ನಡೆಸಿದ ನ್ಯಾಯ­ಮೂರ್ತಿ­ ಎಸ್‌.ಸಿ. ಗುಪ್ತೆ ಅವರು ರಬಿಯಾ ಅವರಿಗೆ ನೋಟಿಸ್‌ ಜಾರಿ ಮಾಡುವಂತೆ ಸೂಚಿಸಿದ್ದು, ಪ್ರಕರಣದ ವಿಚಾರಣೆಯನ್ನು ಜುಲೈ 9ಕ್ಕೆ ಮುಂದೂಡಿದರು.

‘ಈವರೆಗೂ ನಮಗೆ ಯಾವುದೇ ನೋಟಿಸ್‌ ಬಂದಿಲ್ಲ. ಆದರೆ ಮಾನ­ನಷ್ಟ ಮೊಕದ್ದಮೆ ದಾಖಲಾಗಿರು­ವುದರ ಬಗ್ಗೆ ತಿಳಿದಿದೆ. ಈ ಬಗ್ಗೆ ಬುಧವಾರ­ (ಜುಲೈ 9) ವಿಚಾರಣೆ ನಡೆಯುವ ಬಗ್ಗೆ ಮಾಹಿತಿ ಇದೆ’  ಎಂದು ರಬಿಯಾ ಪರ ವಕೀಲ ದಿನೇಶ್‌ ತಿವಾರಿ ತಿಳಿಸಿದ್ದಾರೆ.

ಜಿಯಾ ಪ್ರಕರಣವು ಆತ್ಮಹತ್ಯೆಯೇ ಅಥವಾ ಕೊಲೆಯೇ ಎಂಬ ಬಗ್ಗೆ ಸಮಗ್ರ ತನಿಖೆ ನಡೆಯ­ಬೇಕು ಎಂದು ಕೋರಿ ಜಿಯಾ ತಾಯಿ ರಬಿಯಾ ಖಾನ್‌ ಅವರು ಅರ್ಜಿ ಸಲ್ಲಿಸಿದ್ದರ ಹಿನ್ನೆ­ಲೆ­ಯಲ್ಲಿ ಬಾಂಬೆ ಹೈಕೋರ್ಟ್‌ ಗುರು­ವಾರ ಪ್ರಕರಣವನ್ನು ಸಿಬಿಐಗೆ ಹಸ್ತಾಂತರಿಸಿತ್ತು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT