ನ್ಯೂಯಾರ್ಕ್(ಪಿಟಿಐ): ಜನಪ್ರಿಯ ಸಾಮಾಜಿಕ ಜಾಲತಾಣಗಳಲ್ಲೊಂದಾದ ಫೇಸ್ಬುಕ್ ಲಾಭ ಗಳಿಕೆಯು ಮಾರುಕಟ್ಟೆ ವಿಶ್ಲೇಷಕರ ನಿರೀಕ್ಷೆಗಳನ್ನೂ ಮೀರಿದೆ. 2014ರಲ್ಲಿ ಫೇಸ್ಬುಕ್ ಲಾಭ ಅಕ್ಷರಶಃ ದುಪ್ಪಟ್ಟಾಗಿದೆ.
ಡಿ. 31ಕ್ಕೆ ಕೊನೆಗೊಂಡ ವರ್ಷದಲ್ಲಿ ಫೇಸ್ಬುಕ್ 290 ಕೋಟಿ ಡಾಲರ್ (ರೂ17,939 ಕೋಟಿ) ನಿವ್ವಳ ಲಾಭ ಗಳಿಸಿದೆ. ಗ್ರಾಹಕರು ಮೊಬೈಲ್ ಫೋನ್ನಲ್ಲಿ ಫೇಸ್ಬುಕ್ ಬಳಕೆ ಮಾಡುವುದು ಹೆಚ್ಚುತ್ತಾ ಹೋಗಿದ್ದರಿಂದಲೇ ಇಷ್ಟೊಂದು ದೊಡ್ಡ ಪ್ರಮಾಣದ ಲಾಭ ಗಳಿಕೆ ಸಾಧ್ಯವಾಗಿದೆ ಎಂದು ಕಂಪೆನಿ ಹೇಳಿದೆ.
ಕಂಪೆನಿ ಒಟ್ಟಾರೆ ವರಮಾನವೂ 1247 ಕೋಟಿ ಡಾಲರ್ (ರೂ77,140 ಕೋಟಿಗೆ) ತಲುಪಿದೆ. ಅಂದರೆ, ಹಿಂದಿನ ವರ್ಷಕ್ಕಿಂತ ಶೇ 49ರಷ್ಟು ವೃದ್ಧಿ ಕಂಡುಬಂದಿದೆ.
ಜಾಹೀರಾತು ಮೂಲದ ಗಳಿಕೆ ಶೇ 53ರಷ್ಟು ಹೆಚ್ಚಿರುವುದೇ ಒಟ್ಟಾರೆ ವರಮಾನ ಏರಿಕೆಗೆ ಕಾರಣ ಎಂದು ಕಂಪೆನಿ ಹೇಳಿದೆ.
ಮೊಬೈಲ್ನಲ್ಲಿ ಫೇಸ್ಬುಕ್ ಬಳಕೆ ಶೇ18 ಅಧಿಕ ಮೊಬೈಲ್ನಲ್ಲಿ ಫೇಸ್ಬುಕ್ ಬಳಸುವವರ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಶೇ 18ರಷ್ಟು ಹೆಚ್ಚುತ್ತಿದೆ. ವಿಶ್ವದಾದ್ಯಂತ ಒಟ್ಟು 139 ಕೋಟಿ ಫೇಸ್ಬುಕ್ ಬಳಕೆದಾರರಿದ್ದು, ನಿತ್ಯ 74.50 ಕೋಟಿ ಜನರು ಮೊಬೈಲಿನಲ್ಲಿಯೇ ಫೇಸ್ಬುಕ್ ಬಳಸುತ್ತಿದ್ದಾರೆ. ಏಷ್ಯಾ ವಲಯದಲ್ಲಿಯೇ ಅತಿ ಹೆಚ್ಚಿನ ಫೇಸ್ಬುಕ್ ಬಳಕೆದಾರರಿದ್ದಾರೆ ಎಂದು ಕಂಪೆನಿ ತಿಳಿಸಿದೆ.