ದುಬೈ (ಐಎಎನ್ಎಸ್) : 2016ರ ಮಾರ್ಚ್ 11ರಿಂದ ಏಪ್ರಿಲ್ 3ರ ತನಕ ನಡೆಯಲಿರುವ ಟ್ವಂಟಿ –20 ವಿಶ್ವಕಪ್ ಕ್ರಿಕೆಟ್ಗೆ ಭಾರತ ಆತಿಥ್ಯವನ್ನು ವಹಿಸಲಿದೆ.
ದುಬೈನಲ್ಲಿ ನಡೆದ ಐಸಿಸಿ (ಅಂತರರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆ) ಮಂಡಳಿ ಸಭೆಯು ಈ ದಿನಾಂಕವನ್ನು ಒಪ್ಪಿಕೊಂಡು ಗುರುವಾರ ಘೋಷಿಸಿತು. 2019ರ 50ಓವರ್ಗಳ ಏಕದಿನ ವಿಶ್ವಕಪ್ ಕ್ರಿಕೆಟ್ ಇಂಗ್ಲೆಂಡ್ನ ಆತಿಥ್ಯದಲ್ಲಿ ಮೇ 30 ರಿಂದ ಜೂನ್ 15ರವರೆಗೆ ನಡೆಯಲಿದೆ.
ವಿಶ್ವಕಪ್ನ ಫೈನಲ್ ಪಂದ್ಯ ‘ಟೈ’ ಆದರೆ ಸೂಪರ್ ಓವರ್ : ದುಬೈಯಲ್ಲಿ ನಡೆದ ಐಸಿಸಿ ಮಂಡಳಿ ಸಭೆಯಲ್ಲಿ ಮತ್ತೊಂದು ತೀರ್ಮಾನವನ್ನು ಕೈಗೊಂಡಿತು. ವಿಶ್ವಕಪ್ ಫೈನಲ್ ಪಂದ್ಯವು ಟೈ ಆದರೆ ಅದಕ್ಕೆ ಸೂಪರ್ ಓವರ್ನ ಮೂಲಕ ಪಂದ್ಯದ ಫಲಿತಾಂಶವನ್ನು ಕಂಡುಕೊಳ್ಳಲಾಗುವುದು ಎಂದು ಸಭೆಯು ತೀರ್ಮಾನ ತೆಗೆದುಕೊಂಡಿತು.