ಬಳಿಕ 136 ರನ್ಗಳ ಮುನ್ನಡೆ ಪಡೆದು ಬ್ಯಾಟಿಂಗ್ ಆರಂಭಿಸಿದ ಭಾರತ ಸವಾಲಿನ ಪಿಚ್ನಲ್ಲಿ ರನ್ ಕಲೆ ಹಾಕಲು ಪರದಾಡಿತು. ಯಾರೊಬ್ಬರಿಗೂ ಅರ್ಧಶತಕ ಗಳಿಸಲು ಸಾಧ್ಯವಾಗಲಿಲ್ಲ. ಅಂತಿಮವಾಗಿ ಕೊಹ್ಲಿ ಪಡೆ 46.3 ಓವರ್ಗಳಲ್ಲಿ 173 ರನ್ಗಳಿಗೆ ಸರ್ವಪತನ ಕಂಡು ಪ್ರವಾಸಿ ತಂಡದ ಗೆಲುವಿಗೆ 310 ರನ್ಗಳ ಗುರಿ ನೀಡಿತು.
ಸ್ಪಿನ್ನರ್ ಇಮ್ರಾನ್ ತಾಹೀರ್ ಐದು ವಿಕೆಟ್ ಕಬಳಿಸಿದರೆ ವೇಗಿ ಮಾರ್ನೆ ಮಾರ್ಕೆಲ್ 3 ವಿಕೆಟ್ ಪಡೆದರು. ಜೆ.ಪಿ.ಡುಮಿನಿ ಹಾಗೂ ಸಿಮನ್ ಹಾರ್ಮರ್ ತಲಾ ಒಂದು ವಿಕೆಟ್ ಪಡೆದರು.
ನಡೆಯದ ಜಾದು: ಇದಕ್ಕೂ ಮೊದಲು ಗುರುವಾರ 2 ವಿಕೆಟ್ಗೆ 11 ರನ್ಗಳಿಂದ ಆಟ ಆರಂಭಿಸಿದ ಹಾಶಿಮ್ ಆಮ್ಲಾ ಬಳಗ, ಭಾರತದ ಸ್ಪಿನ್ ದಾಳಿಗೆ ತತ್ತರಿಸಿತು. ಕೇವಲ 79 ರನ್ಗಳಿಗೆ ಆಲೌಟ್ ಆಯಿತು.