ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಲಇಕೊದ ಮತ್ತೊಂದು ಸ್ಮಾರ್ಟ್‌ ಟಿ.ವಿ.

Last Updated 6 ಏಪ್ರಿಲ್ 2017, 3:02 IST
ಅಕ್ಷರ ಗಾತ್ರ
ಕೆಲವು ತಿಂಗಳುಗಳ ಹಿಂದೆ ಇದೇ ಅಂಕಣದಲ್ಲಿ ಚೀನಾದ ಲಇಕೊ ಕಂಪೆನಿಯ ಸೂಪರ್3 ಎಕ್ಸ್55 ಎಂಬ ಸ್ಮಾರ್ಟ್‌ಟಿ.ವಿ. ಬಗ್ಗೆ ಬರೆಯಲಾಗಿತ್ತು. ಲಇಕೊ ಕಂಪೆನಿಯ ಇತರೆ ಕೆಲವು ಉತ್ಪನ್ನಗಳ ಬಗ್ಗೆಯೂ ವಿಮರ್ಶೆಗಳು ಇದೇ ಅಂಕಣದಲ್ಲಿ ಪ್ರಕಟವಾಗಿವೆ.

ಈ ಕಂಪೆನಿಯ ಉತ್ಪನ್ನಗಳ ಒಂದು ಪ್ರಮುಖ ಗುಣವೆಂದರೆ ಅವೆಲ್ಲವೂ ನೀಡುವ ಬೆಲೆಗೆ ಉತ್ತಮ ಉತ್ಪನ್ನವಾಗಿವೆ ಎಂಬುದು. ಯಾವುದೇ ಗ್ಯಾಜೆಟ್‌ನಲ್ಲಿ ನಾವು ನೋಡಬೇಕಾಗಿರುವುದು ಅದು ನಾವು ನೀಡುವ ಬೆಲೆಗೆ ಉತ್ತಮ ಉತ್ಪನ್ನವೇ ಎಂಬುದಾಗಿ. ಲ ಟಿ.ವಿ.  ಸೂಪರ್4 ಎಕ್ಸ್43 ಪ್ರೊ (LeTV Super4 X43 Pro) ನಮ್ಮ ಈ ವಾರದ ಗ್ಯಾಜೆಟ್.
 
ಗುಣವೈಶಿಷ್ಟ್ಯಗಳು
4k ಸ್ಮಾರ್ಟ್‌ಟಿ.ವಿ, 108 ಸೆ.ಮೀ. (43 ಇಂಚು) ಗಾತ್ರ (ಕರ್ಣ), ಎಲ್‌ಇಡಿ ಪರದೆ,  3840 x 2160 ಪಿಕ್ಸೆಲ್ ರೆಸೊಲೂಶನ್, 178° ವ್ಯೂವಿಂಗ್ ಆ್ಯಂಗಲ್, 60Hz ರಿಫ್ರೆಶ್ ರೇಟ್, 1.7 ಗಿಗಾಹರ್ಟ್ಸ್ ವೇಗದ ನಾಲ್ಕು ಹೃದಯಗಳ ಪ್ರೊಸೆಸರ್ (ARM Cortex A72x2+A53x2 Quad-core 1.7 GHz CPU), 3 ಗಿಗಾಬೈಟ್ ಪ್ರಾಥಮಿಕ ಮತ್ತು 16 ಗಿಗಾಬೈಟ್ ಸಂಗ್ರಹ ಮೆಮೊರಿ, 16 ವಾಟ್ ಧ್ವನಿ (8 x 2), ಡಾಲ್ಬಿ ಆಡಿಯೊ, ವೈಫೈ ಮತ್ತು ಬ್ಲೂಟೂತ್ ನಿಸ್ತಂತು ಸಂಪರ್ಕ, ಎಥರ್‌ನೆಟ್, ಎಚ್‌ಡಿಎಂಐ, ಡಿಜಿಟಲ್ ವಿಡಿಯೊ, ಡಿಎಲ್‌ಎನ್‌ಎ, ಯುಎಸ್‌ಬಿ, ಆರ್‌ಸಿಎ ಸಂಪರ್ಕ. 963 (ಉದ್ದ) x 562 (ಎತ್ತರ) x 36 (ದಪ್ಪ) ಮಿ.ಮೀ. ಗಾತ್ರ (ಸ್ಟ್ಯಾಂಡ್ ರಹಿತ). ಆಂಡ್ರಾಯ್ಡ್‌ 6.0 ಕಾರ್ಯಾಚರಣ ವ್ಯವಸ್ಥೆ, EUI 5.8, ಇತ್ಯಾದಿ. ಬೆಲೆ ₹57,490.
 
ಲಇಕೊ ಕಂಪೆನಿಯ ಇತರೆ ಉತ್ಪನ್ನಗಳಂತೆ ಈ ಟಿ.ವಿ.ಯ ರಚನೆ ಮತ್ತು ವಿನ್ಯಾಸ ಕೂಡ ಉತ್ತಮವಾಗಿದೆ. ಪರದೆಗಿಂತ ತುಂಬ ಹೆಚ್ಚಿನ ದೇಹ ಇದಕ್ಕಿಲ್ಲ. ದಪ್ಪವೂ ಅಷ್ಟೆ. ಕಡಿಮೆ ಎಂದರೆ 15 ಮಿ.ಮೀ. ಇದೆ. ಪ್ರಮುಖ ಎಲೆಕ್ಟ್ರಾನಿಕ್ ಭಾಗಗಳು ಇರುವ ಅಂಗದ ದಪ್ಪ 36 ಮಿ.ಮೀ ಇದೆ. ಇದನ್ನು ಗೋಡೆಗೆ ನೇತುಹಾಕಬಹುದು ಅಥವಾ ಇದರ ಸ್ಟ್ಯಾಂಡ್ ಮೇಲೆ ಇಡಬಹುದು. ಮನೆಯಲ್ಲಿ ಇದು ನೋಡಲು ಸುಂದರವಾಗಿ ಕಾಣಿಸುತ್ತದೆ. ಅತಿ ದೊಡ್ಡದೂ ಅಲ್ಲದ, ಅತಿ ಚಿಕ್ಕದೂ ಅಲ್ಲದ ಗಾತ್ರ ಎನ್ನಬಹುದು.
 
ಟಿ.ವಿ.ಯ ಹಿಂದುಗಡೆ ಎಡಭಾಗದಲ್ಲಿ ಪವರ್ ಕೇಬಲ್ ಮತ್ತು ಆನ್/ಆಫ್ ಬಟನ್‌ಗಳಿವೆ. ಹಿಂದುಗಡೆ ಬಲಭಾಗದಲ್ಲಿ ಯುಎಸ್‌ಬಿ, ಎಚ್‌ಡಿಎಂಐ, ಆಡಿಯೊ, ಇಥರ್‌ನೆಟ್ ಪೋರ್ಟ್, ಇತ್ಯಾದಿ ಕಿಂಡಿಗಳು ಇವೆ. ಈ ಕಿಂಡಿಗಳಿಗೆ ಕೇಬಲ್ ಜೋಡಿಸಿಯೇ ನಂತರ ಟಿ.ವಿ.ಯನ್ನು ಗೋಡೆಗೆ ನೇತುಹಾಕುವುದು ಸೂಕ್ತ. ಮೊದಲು ಗೋಡೆಗೆ ನೇತುಹಾಕಿದರೆ ನಂತರ ಈ ಕಿಂಡಿಗಳಿಗೆ ಕೇಬಲ್ ಜೋಡಿಸಲು ಸ್ವಲ್ಪ ಕಷ್ಟಪಡಬೇಕಾಗುತ್ತದೆ.  
 
ಇದು ಬಹುಮಟ್ಟಿಗೆ ಆಂಡ್ರಾಯ್ಡ್‌ ಟ್ಯಾಬ್ಲೆಟ್ ಅಥವಾ ಫೋನ್ ಅನ್ನು ಮೊದಲ ಬಾರಿಗೆ ಪ್ರಾರಂಭಿಸಿದಾಗ ನಡೆದುಕೊಳ್ಳುವ ರೀತಿಯಲ್ಲೇ ನಡೆದುಕೊಳ್ಳುತ್ತದೆ. ಅಂದರೆ ಅದು ಕೆಲವು ಆಯ್ಕೆಗಳನ್ನು ಹೊಂದಿಸಿಕೊಳ್ಳಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ. ಮನೆಯಲ್ಲಿ ಅಂತರಜಾಲ ಸಂಪರ್ಕ, ಅದೂ ಉತ್ತಮ ವೇಗದ ಬ್ರಾಡ್‌ಬ್ಯಾಂಡ್ ಇಲ್ಲದಿದ್ದಲ್ಲಿ ಈ ಟಿ.ವಿ. ಮಾಮೂಲಿ ಟಿ.ವಿ. ಆಗುತ್ತದೆಯೇ ವಿನಾ ಸ್ಮಾರ್ಟ್‌ಟಿ.ವಿ. ಆಗುವುದಿಲ್ಲ.

ಅಂತರಜಾಲದ ಮೂಲಕ ಸಂಪರ್ಕ ಮಾಡಿದಾಗ ನಿಮಗೆ ನೂರಾರು ಟಿ.ವಿ. ಚಾನೆಲ್‌ಗಳು ಉಚಿತವಾಗಿ ದೊರೆಯುತ್ತವೆ. ಕಂಪೆನಿಯವರು ಹೇಳಿಕೊಂಡ ಪ್ರಕಾರ ಮೊದಲು ಎರಡು ವರ್ಷ ಈ ಎಲ್ಲ ಚಾನೆಲ್‌ಗಳು ಉಚಿತವಾಗಿ ದೊರೆಯುತ್ತವೆ.

ತಮ್ಮದೇ ಪ್ರತ್ಯೇಕ ಕಾರ್ಯಕ್ರಮ ತಯಾರಿ ಮತ್ತು ಪ್ರಸಾರವನ್ನೂ ಪ್ರಾರಂಭಿಸುತ್ತೇವೆ ಎಂದು ಹೇಳಿಕೊಂಡಿದ್ದಾರೆ ಎಂದು ಈ ಹಿಂದೆ ಇದೇ ಕಂಪೆನಿಯ ಇನ್ನೊಂದು ಟಿ.ವಿ.ಯ ವಿಮರ್ಶೆ ಬರೆಯುವಾಗ ಹೇಳಲಾಗಿತ್ತು. ಇನ್ನೂ ಅದು ಪ್ರಾರಂಭವಾಗಿಲ್ಲ. ಒಂದು ರೀತಿಯಲ್ಲಿ ಇದನ್ನು ದೊಡ್ಡ ಗಾತ್ರದ ಆಂಡ್ರಾಯ್ಡ್‌ ಸಾಧನ ಎಂದೂ ಹೇಳಬಹುದು. 

</div><div>&#13;  </div><div>&#13; ಆಂಡ್ರಾಯ್ಡ್‌ನ ಹಲವು ಆ್ಯಪ್‌ಗಳು ಇದರಲ್ಲಿವೆ. ಬ್ರೌಸರ್ ಮೂಲಕ ಅಂತರಜಾಲ ವೀಕ್ಷಣೆಯನ್ನೂ ಮಾಡಬಹುದು. ಆದರೂ ಗೂಗಲ್‌ ಪ್ಲೇ ಸ್ಟೋರ್‌ನಿಂದ ಆ್ಯಪ್‌ಗಳನ್ನು ಡೌನ್‌ಲೋಡ್ ಮಾಡಿಕೊಂಡು ಹಾಕಿಕೊಳ್ಳುವ ಸೌಲಭ್ಯವನ್ನು ನೀಡಿಲ್ಲ. ಬ್ರೌಸರ್ ಮೂಲಕ ಗೂಗಲ್‌ ಪ್ಲೇ ಸ್ಟೋರ್ ತೆರೆದರೂ ಅಲ್ಲಿಂದ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಲು ಇದು ನಿಮಗೆ ಬಿಡುವುದಿಲ್ಲ.<br/>&#13; <br/>&#13; ಕಿರುತಂತ್ರಾಂಶಗಳ (ಆ್ಯಪ್) apk ಫೈಲ್‌ಗಳನ್ನು ಎಲ್ಲಿಂದಾದರೂ ತಂದು ಇದಕ್ಕೆ ಹಾಕಿದರೂ ಹಲವು apk ಫೈಲ್‌ಗಳನ್ನು ಇದು ಕೆಲಸ ಮಾಡಲು ಬಿಡುವುದಿಲ್ಲ. ಉದಾಹರಣೆಗೆ ಗೂಗಲ್‌ ಪ್ಲೇ ಸ್ಟೋರ್ ಕಿರುತಂತ್ರಾಂಶ. ಯೂಟ್ಯೂಬ್ ನೋಡಬೇಕಿದ್ದರೆ ಬ್ರೌಸರ್ ಮೂಲಕ ನೋಡಬೇಕು. ಅದರ ಕಿರುತಂತ್ರಾಂಶ ಇದರಲ್ಲಿಲ್ಲ. <br/>&#13;  </div><div>&#13; ಇವರದೇ ಆ್ಯಪ್ ಸ್ಟೋರ್ ಇದೆ. ಅದರಲ್ಲಿ ಹಲವು ಕಿರುತಂತ್ರಾಂಶಗಳು ಇವೆ. ಅವುಗಳನ್ನು ಹಾಕಿಕೊಳ್ಳಬಹುದು. ಅವುಗಳಲ್ಲಿ ಕೆಲವು ಆಟಗಳೂ ಇವೆ. ಈ ಟಿ.ವಿ.ಗೆ ಹಲವು ನಮೂನೆಯಲ್ಲಿ ಜೋಡಣೆಗಳನ್ನು ಮಾಡಬಹುದು. ಉದಾಹರಣೆಗೆ ವೈಫೈ ಮತ್ತು ಎಥರ್‌ನೆಟ್. ಅಂತರಜಾಲ ಸಂಪರ್ಕ ಪಡೆದರೆ ಮಾತ್ರ ಇದರ ಸಂಪೂರ್ಣ ಶಕ್ತಿಯನ್ನು ಅನುಭವಿಸಬಹುದು.<br/>&#13;  </div><div>&#13; ಬಹುತೇಕ ಎಲ್ಲ ನಮೂನೆಯ ವಿಡಿಯೊ ಫೈಲುಗಳನ್ನು ಇದು ಪ್ಲೇ ಮಾಡುತ್ತದೆ. ಪರದೆಯ ರೆಸೊಲೂಶನ್ ಮತ್ತು ಗುಣಮಟ್ಟ ಅತ್ಯುತ್ತಮವಾಗಿದೆ. ಬಣ್ಣಗಳ ಪುನರುತ್ಪತ್ತಿ ಅತ್ಯುತ್ತಮವಾಗಿದೆ ಮತ್ತು ನೈಜವಾಗಿದೆ.<br/>&#13; <br/>&#13; 4k ರೆಸೊಲೂಶನ್‌ನ ವಿಡಿಯೊಗಳನ್ನು ವೀಕ್ಷಿಸಲು ಇದು ಹೇಳಿ ಮಾಡಿಸಿದ ಟಿ.ವಿ. ಎನ್ನಬಹುದು. ಹೈಡೆಫಿನಿಶನ್ ವಿಡಿಯೊಗಳನ್ನು ವೀಕ್ಷಿಸುವ ಅನುಭವವೂ ಚೆನ್ನಾಗಿದೆ. ನಿಮ್ಮ ಮನೆಯ ಡಿಟಿಎಚ್‌ನಲ್ಲಿ ಹೈಡೆಫಿನಿಶನ್ ಚಾನೆಲ್‌ಗಳಿದ್ದರೆ ಅವುಗಳನ್ನು ವೀಕ್ಷಿಸಲು ಇದು ಉತ್ತಮ ಟಿ.ವಿ. <br/>&#13;  </div><div>&#13; ಇದರ ಆಡಿಯೊ ಇಂಜಿನ್ ಸುಮಾರಾಗಿ ಚೆನ್ನಾಗಿದೆ. ಡೋಲ್ಬಿ ಮತ್ತು ಇತರೆ ಕೆಲವು ಆಯ್ಕೆಗಳು ಇವೆ. ಆದರೆ ಇದರಲ್ಲಿರುವ ಸ್ಪೀಕರುಗಳು ತುಂಬ ಚಿಕ್ಕವು. ಯಾಕೆಂದರೆ  ಸ್ಪೀಕರುಗಳು ಇರುವ ಕೆಳಭಾಗದಲ್ಲಿ ಇದರ ದಪ್ಪ ಸುಮಾರು 36 ಮಿ.ಮೀ ಮಾತ್ರ ಇದೆ. ಉತ್ತಮ ಧ್ವನಿ ಬೇಕಿದ್ದಲ್ಲಿ ಪ್ರತ್ಯೇಕ ಆಂಪ್ಲಿಫೈಯರ್ ಮತ್ತು ಸ್ಪೀಕರುಗಳು ಇದ್ದಲ್ಲಿ ಅದಕ್ಕೆ ಜೋಡಿಸುವುದೇ ಉತ್ತಮ. <br/>&#13;  </div><div>&#13; ಇದರಲ್ಲಿ ಡಿಎಲ್‌ಎನ್‌ಎ ಇದೆ. ಅಂದರೆ ಈ ಟಿ.ವಿ.ಯನ್ನು ನಿಮ್ಮ ಸ್ಮಾರ್ಟ್‌ಫೋನಿಗೆ ಇನ್ನೊಂದು ಪರದೆಯಾಗಿ ಕೂಡ ಬಳಸಬಹುದು. ಹಾಗೆ ಬಳಸಬೇಕಾದರೆ ಟಿ.ವಿ. ಮತ್ತು ಫೋನ್ ಎರಡೂ ಒಂದೇ ವೈಫೈ ಜಾಲದಲ್ಲಿ ಇರತಕ್ಕದ್ದು.<br/>&#13; <br/>&#13; ನಿಮ್ಮ ಸ್ಮಾರ್ಟ್‌ಫೋನಿನಲ್ಲಿರುವ ಅಥವಾ ಟ್ಯಾಬ್ಲೆಟ್‌ಗಳಲ್ಲಿರುವ ಫೋಟೊಗಳನ್ನು ಚಿಕ್ಕ ಪರದೆಯಲ್ಲಿ ವೀಕ್ಷಿಸುವ ಬದಲಿಗೆ ಈ ಟಿ.ವಿ.ಯನ್ನು ಫೋನಿಗೆ ಇನ್ನೊಂದು ಪರದೆಯನ್ನಾಗಿಸಿ ದೊಡ್ಡ ಗಾತ್ರದಲ್ಲಿ ವೀಕ್ಷಿಸಬಹುದು. ಫೋನಿನಿಂದ ವಿಡಿಯೊಗಳನ್ನೂ ಪ್ಲೇ ಮಾಡಬಹುದು. ಗಣಕಕ್ಕೆ ಮಾನಿಟರ್ ಆಗಿಯೂ ಬಳಸಬಹುದು. ಇದು ನಿಜಕ್ಕೂ ನೀಡುವ ಬೆಲೆಗೆ ಅತ್ಯುತ್ತಮ ಸ್ಮಾರ್ಟ್‌ಟಿ.ವಿ. ಎನ್ನಬಹುದು. </div><div>&#13;  </div><div>&#13; <strong>ಗ್ಯಾಜೆಟ್‌ ಸುದ್ದಿ</strong><br/>&#13; <strong>ರಕ್ತದೊತ್ತಡ ಪರೀಕ್ಷಿಸಿ (ಸುಳ್ಳು)</strong><br/>&#13; ಏಪ್ರಿಲ್1 ಅನ್ನು ಮೂರ್ಖರ ದಿನವನ್ನಾಗಿ ಆಚರಿಸುತ್ತಾರೆ. ಆ ದಿನ ಯಾರನ್ನಾದರೂ ಫೂಲ್ ಮಾಡುತ್ತಾರೆ. ಮಾರ್ಚ್ 8 ಮಹಿಳೆಯರ ದಿನವಾಗಿದ್ದರೂ ಇಡೀ  ಮಾರ್ಚ್ ಅನ್ನು ಮಹಿಳೆಯರ ತಿಂಗಳಾಗಿಯೂ ಆಚರಿಸುತ್ತಾರೆ.<br/>&#13; <br/>&#13; ಹಾಗೆಯೇ ಏಪ್ರಿಲ್ ತಿಂಗಳಲ್ಲಿ ಯಾರನ್ನಾದರೂ ಫೂಲ್ ಮಾಡಬೇಕಾ? ಹೌದಾದಲ್ಲಿ ಅದಕ್ಕೆಂದೇ ಹಲವಾರು ಕಿರುತಂತ್ರಾಂಶಗಳು (ಆ್ಯಪ್‌) ನಿಮಗೆ ಗೂಗಲ್‌ ಪ್ಲೇ ಸ್ಟೋರಿನಲ್ಲಿ ದೊರೆಯುತ್ತಿವೆ. ಒಂದು ಸರಳ ಕಿರುತಂತ್ರಾಂಶ Finger Blood Pressure Prank. ಇದು ನಿಮಗೆ ಇದೇ ಹೆಸರಿನಲ್ಲಿ ಹುಡುಕಿದರೆ ಗೂಗಲ್‌ ಪ್ಲೇ ಸ್ಟೋರಿನಲ್ಲಿ ದೊರೆಯುತ್ತದೆ ಅಥವಾ bit.ly/gadgetloka272 ಶಾರ್ಟ್‌ಕಟ್ ಮೂಲಕವೂ ಪಡೆಯಬಹುದು.<br/>&#13; <br/>&#13; ಇದು ನಿಮ್ಮ ರಕ್ತದೊತ್ತಡ, ರಕ್ತದಲ್ಲಿರುವ ಸಕ್ಕರೆಯ ಪ್ರಮಾಣ, ದೇಹದ ಉಷ್ಣತೆ, ಇತ್ಯಾದಿಗಳನ್ನು ತೋರಿಸುವ ನಾಟಕ ಮಾಡುತ್ತದೆ. ಅಂದರೆ ಈ ಕಿರುತಂತ್ರಾಂಶವನ್ನು ಚಾಲನೆ ಮಾಡಿ ಪರದೆಯ ಮೇಲೆ ನಿಗದಿತ ಸ್ಥಳದಲ್ಲಿ ಬೆರಳು ಇಟ್ಟರೆ ಅದು ಯಾವುದೋ ಒಂದು ಮೌಲ್ಯವನ್ನು ತೋರಿಸುತ್ತದೆ. ನಿಮ್ಮ ಗೆಳೆಯರನ್ನು ಸುಲಭವಾಗಿ ನೀವು ಈ ಕಿರುತಂತ್ರಾಂಶದ ಮೂಲಕ ಫೂಲ್ ಮಾಡಬಹುದು.</div><div>&#13;  </div><div>&#13; <strong>‘ಸಿರಿ’ ಬದುಕಿಸಿದ್ದು</strong></div><div>&#13; ಆ್ಯಪಲ್ ಐಫೋನ್‌ನಲ್ಲಿರುವ ಸಿರಿ ಎಂಬ ಬುದ್ಧಿವಂತ ಸಹಾಯಕ ತಿಳಿದಿರಬಹುದು. ಇದಕ್ಕೆ ಬಾಯಿಮಾತಿನ ಮೂಲಕ ಆಜ್ಞೆ ನೀಡಬಹುದು, ಸುಮ್ಮನೆ ಪ್ರಶ್ನೆ ಕೇಳಿ ಸಹಾಯ ಪಡೆಯಬಹುದು, ಪ್ರಶ್ನೋತ್ತರ ನಡೆಸಬಹುದು. ಇಂಗ್ಲೆಂಡಿನಲ್ಲಿ ನಾಲ್ಕು ವರ್ಷದ ಹುಡುಗನೊಬ್ಬ ಮೂರ್ಛೆ ತಪ್ಪಿಬಿದ್ದಿದ್ದ ತನ್ನ ತಾಯಿಯನ್ನು ಈ ಸಿರಿಯ ಮೂಲಕ ಬದುಕಿಸಿದ. ಆತ ಮಾಡಿದ್ದೇನೆಂದರೆ ಐಫೋನಿನ ಮಧ್ಯದ ಬಟನ್ ಒತ್ತಿ ಸಿರಿಯನ್ನು ಚಾಲನೆ ಮಾಡಿ ಸಹಾಯ ಬೇಡಿದ. ಸಿರಿಯು ನೇರವಾಗಿ ತುರ್ತು ಸಂದರ್ಭದಲ್ಲಿ ಬಳಸುವ ಫೋನಿಗೆ ಸಂಪರ್ಕ ಮಾಡಿಸಿತು. ಫೋನಿನ ಮೂಲಕ ಹುಡುಗನೊಡನೆ ಮಾತಾಡಿ ಪರಿಸ್ಥಿತಿ ಅರ್ಥಮಾಡಿಕೊಂಡ ಅಧಿಕಾರಿಗಳು ಕೂಡಲೇ ಆಂಬುಲೆನ್ಸ್ ಕಳುಹಿಸಿ ಆಕೆಯನ್ನು ಬದುಕಿಸಿದರು.</div><div>&#13;  </div><div>&#13; <strong>ಗ್ಯಾಜೆಟ್‌ ಸಲಹೆ</strong></div><div>&#13; <strong>ಎಂ.ಎಂ.ಚೌಧರಿ ಅವರ ಪ್ರಶ್ನೆ: </strong><br/>&#13; ನಾವು ನಮ್ಮ ಫೋನಿನ ಪರದೆಯ ಚಿತ್ರವನ್ನು (screenshot) ತೆಗೆಯಬಹುದು. ಹಾಗೆಯೆ ನಾವು ನಮ್ಮ ಫೋನಿನಲ್ಲಿ ಮಾಡುತ್ತಿರುವ ಕೆಲಸದ ವಿಡಿಯೊ ಚಿತ್ರೀಕರಣ ಮಾಡಲು ಒಂದು ಉತ್ತಮ ಆಂಡ್ರಾಯ್ಡ್‌ ಆ್ಯಪ್ ಇದೆಯೇ?<br/>&#13; <strong>ಉ:</strong> ಅಂತಹ ಹಲವು ಆ್ಯಪ್‌ಗಳು ಇವೆ. ಒಂದು ಉತ್ತಮ ಆ್ಯಪ್ SCR 5+ Pro.<br/>&#13; <br/>&#13; <strong>ಗ್ಯಾಜೆಟ್‌ ತರ್ಲೆ</strong><br/>&#13; ಯಾವುದೇ ಕಂಪ್ಯೂಟರ್ ಕೆಲಸ ಮಾಡದಿದ್ದರೆ, ನೀವು ಪರಿಹಾರ ಕೇಳಿದರೆ ಮೊದಲ ಸಲಹೆ ಬರುತ್ತಿದ್ದುದು ಅದನ್ನು ಆಫ್ ಮಾಡಿ ಪುನಃ ಆನ್ ಮಾಡಿ ನೋಡಿ ಎಂದು. ಈಗ ಮೊಬೈಲ್ ಫೋನಿನಲ್ಲಿ ಯಾವುದೇ ಆ್ಯಪ್ ಕೆಲಸ ಮಾಡುತ್ತಿಲ್ಲ ಎಂದು ಹೇಳಿದರೆ ಮೊದಲು ಬರುವ ಸಲಹೆ ಎಂದರೆ ಆ್ಯಪ್ ಅನ್ನು ಅನ್‌ಇನ್‌ಸ್ಟಾಲ್ ಮಾಡಿ ಪುನಃ ಇನ್‌ಸ್ಟಾಲ್ ಮಾಡಿ ಪ್ರಯತ್ನಿಸಿ ಎಂದು.ಗ್ಯಾಜೆಟ್‌ ತರ್ಲೆಗ್ಯಾಜೆಟ್‌ ತರ್ಲೆ</div></div>

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT